________________ 138 पाइअविनाणकहा-२ एए पबोहिऊणं राया अभयकुमारमंतिजुओ नियघरंमि समागओ / तओ ते दंपईओ वि तं सव्वं पुव्वकयपावकम्माणं विवागं मन्नित्ता विगयसोगा होऊणं विसेसेण धम्मकम्ममि उज्जमसीला होत्था / अह अन्नया चंपापुरीए सिरिवीरजिणंदो समोसरिओ परिसा मिलिया, भगवया देसणा. पारद्धा, तइया सिरिवीरपहुणो वरसावगो दंडच्छत्तकासायवत्थधारगो अंबडो नाम परिव्वाओ तहिं आगंतूणं जगगुरुं नमंसित्ता समुइयट्ठाणे उवविसित्ता धम्मदेसणं सुणित्था / तओ देसणापज्जंते अंबडो भत्तीए पहुं पणमित्ता वयासी-'नाह ! अहुणा मम रायगिहं गंतुं इच्छा वट्टेइ' / ताव सामिणा वुत्तं-'भो देवाणुप्पिय ! तहिं गएणं तुमए नागसारहिणो पियं सुलसासाविगं पइ अम्हाणं धम्मलाहो दायव्वो' त्ति / तओ सो वि अंबडसावगो भगवओ वयणं तहत्ति पडिवज्जिऊणं गयणपहेण गच्छंतो रायगिहं पप्प पुव्वं सुलसाए गिहदुवारंमि खणं ठाइऊणं इत्थं चिंतित्था-'अहो ! जं पइ तिजगवइणा धम्मलाहो कहाविओ, सा सुलसा
