Page Text
________________ चउरु सम्मइंसणपहावंमि सुलसासाविगाए कहा-१०४ 137 एगो च्चिय पुत्तो होज्जा' इअ विचिंतिऊणं सा तहेव ताओ गुलिगाओ भक्खित्था, परं दइव्वजोगेण तीए कुक्खीए समकालं बत्तीसगव्भा पाउब्भूया / तओ गब्भाणं महाभारं वहिउं असमत्था सा सुलसा काउस्सग्गं किच्चा तं सुरं सुमरित्था / तया सो देवो वि सरियभेत्तो समाणो सज्जो तहिं आगच्च इमं बवित्था-'किमटुं तुमए हं सुमरिओ, / तया सा वि सव्वं नियवुत्तंतं वयासी / तओ देवो आह-'हे भद्दे ! तए सम्मं न कयं' अह जइवि ते अमोहसत्तिधारगा पुत्ता होहिरे परं बत्तीसं पि समाणाउसवसाओ समकालं चिय मरणं पाविस्सिरे / जा पुणो तुव देहे गब्भपीडा विज्जए, तं पीडं अहं अवहरामि, तुं विसायं मा कुणसु' त्ति वोत्तूणं तप्पीलं अवहरिऊणं देवो सट्ठाणं गओ / अह सुलसा वि सत्थदेहा समाणी सुहेण गब्भे धरती पुण्णे समए बत्तीसलक्खणसंजुत्ते बत्तीसं सूए पसवित्था / नागो वि महयाडंबरेण ताणं जम्मणूसवं कुणित्था / ते य कमेण वड्ढमाणा जोव्वणमयं संपत्ता / तइया सेणियस्स रण्णो जीवयं पिव ते सव्वया पासवट्टिणो होत्था / अन्नया सेणिओ राया पुव्वदिण्णसंकेयं चेडगभूवइणो पुत्तिं सुजेनुं पच्छन्नभावेणं आणेउं वेसालीए हिट्ठमि सुरंगं कराविऊणं रहारूढे बत्तीसं पि नागरहिणो ते सुए सद्धिं घेत्तूणं सुरंगामग्गेण वेसालिं पविसित्था / सुजेट्ठा वि तहिं पुव्वदिट्ठचित्ताणुमाणओ मगहेसरं उवलक्खित्ता अप्पणो अइप्पियं चेल्लणानामं लहुबहिणिं पइ सयलवुत्तंतं वोत्तूणं तब्विओगं असहमाणी पुव्वं तं चेव सेणिअस्स रहंमि समारोविऊणं सयं नियरयणाभरण-करंडगं समाणेउं जाव गया ताव सुलसाए पुत्ता रायाणं पइ वयासी-'सामि ! एत्थ सत्तुघरंमि चिरं ठाउं न जुत्तं' तओ तप्पेरिओ सेणिओ राया चेल्लणं चेव घेत्तूणं सज्जो य पच्छा वलिओ। अह सुजेट्ठा वि नियरयणाहरणकरंडगं गिण्हिऊणं जाव तहिं समागया ताव सेणियं न पासित्था / तया एसा अपुण्णमणोरहा बहिणीए विओगदुक्खेणं दुहिया समाणी उच्चयसरेण 'हा चेल्लणा हीरइ' त्ति पुक्कारं कासी : तं सोञ्चा कोहाउलो चेडगो नरवई सयमेव जायसन्नद्धो होइ, ताव पासत्थिओ वेरंगिओ भडो रायाणं निवारित्ता सयं कन्नाए वालणटुं चलित्था / तओ सो भडो सज्जो तहिं गंतूणं सुरंगाए निग्गच्छंते सुलसासुए सव्वेवि समकालं एगबाणेणेव वहित्था / तओ परं सुरंगाए संकिण्णत्तणेण सो जाव बत्तीए रहे आकड्डित्था' ताव सेणिओ भूवो बहुमग्गं उल्लंघिऊणं गओ, तओ वेरंगिओ भडो पुण्णापुण्णमणोरहो समाणो तओ पच्छावट्टिऊणं चेडगभूवस्स तं वुत्तंतं निवेइऊणं सघरं गओ / अह सेणियभूवो सिग्घं रायगिहं आगञ्च अईव नेहेण चेल्लणं गंधव्वविवाहेण परिणेइत्था / तओ नागसुलसाओ रण्णो मुहाओ पुत्तमरणवुत्तंतं सोच्चा तद्दुक्खदुहियाओ अच्चत्थं विलावं विहेइरे / तइया सोगसागरनिमग्गाणं ताणं बोहणटुं अभयकुमारसहिओ सेणिओ नरिंदो तहिं आगञ्च इत्थं बवित्था-'भो ! तुम्हे विवेगवंता, तुम्हाणं एरिसो सोगो न विहेयव्वो, जओ एयंमि संसारे जे के वि एए भावा दीसेइरे ते सव्वेवि विणस्सरा संति / मच्चुस्स सव्वसाहरणभावाओ, तम्हा सोगं मोत्तूणं सव्वधम्मसाहणं धीरया आलंबणीया / अह एवं वेरग्गसाराहिं वायाहिं 1. ह्रियते / / 2. आकर्षयत् / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |