________________ 136 पाइअविनाणकहा-२ तओ सो देवो तीए अभंगुरं भावं दठूणं सविम्हओ संतो नियदिव्वरूवं पयडीकाऊणं वयासी-'हे कल्लाणि ! इंदेण स-सहाए तुव सड्ढत्तणं पसंसियं, तओ तुव परिक्खटुं हं इहं आगओ, इह पुणो तुम्ह इंदकयसिलाहाओ वि अहिगं धम्मे थिरत्तणं निरिक्खिऊणं तुट्ठो म्हि' तओ ममत्तो कंपि इच्छियं अटुं पत्थेसु' त्ति / तइया सुलसा वि महुरवाणीए तं देवं पइ भासित्था-'हे देव ! जइ तुं तुट्ठो सि तया पुत्तरूवं मम वंछियं वरं देहि' / तओ सो देवो वि तीए बत्तीसं गुलिगाओ दाऊणं बवित्था-तुमए एयाओ गुलिगाओ कमेण भक्खणीयाओ, तुव महामणोहरा बत्तीसं पुत्ता भविस्संति त्ति / तयणंतरं मज्झ समुइए कज्जमि जायंमि तुमए पुणो वि अहं सुमरणीओ' इअ वोत्तूणं देवो सग्गं गच्छित्था / अह सुलसाए चिंतिअं-एयासिं गुलिगाणं कमाओ भक्खणेण इयंता बाला भविस्संति, ताणं च बहुणं मलमुत्ताई असुई को मद्दिस्सइ ? तम्हा एगाओ सव्वाओ गुलिगाओ एगाइं संजोइत्ता भक्खेमि, जेण बत्तीसलक्खणोवेओ
