Page Text
________________ 134 पाइअविनाणकहा-२ एसा वट्टा नयरीए पसरिया / तेण पंडिएणं पुणरवि सिणाणं कयं / कमेण खिन्नहियओ गिहं गओ, तइया तेण वियाणियं-मम भज्जाए वि एसो समायारो वियाणिओ अत्थि,-'जं अज्ज चंडालीए मम पिओ आलिंगिओ' / अओ सो अईव लज्जासीलो होत्था, एयस्स पडिगारं पि सो कहं कुणेज्जा ? परंतु पंडियपत्तिमाहणीए तस्स खोहदूरीकरणटुं वुत्तं-तुम्हे चिंतं मा विहेह, हं तं चंडालिं समए सम्मं निरिक्खिस्सामि / / तओ जया सा चंडालजवई एयाए एव रत्थाएं पमजणी-टोप्पलगविक्कयणटुं आगच्छेज्जा तया सा विउसमाहणपत्ती 'तं जं वा तं वा वोत्तूण कोवावेइ / किंतु सा हसिऊणं साहेइ-अम्हाणं दुण्डं एगा जाई संजाया, तओ तुम्हेहिं जलच्छंट अकाऊणं एयाइं वत्थूई वावरियव्वाई' / एसा वत्ता कमेण वड्डमाणा नरिंदं जाव संपत्ता / पुव्वं तु एयवत्तासवणेण नरनाहो हसित्था पच्छा य नियसुहडे आएसित्था-'एयाओ दुन्नि इत्थीओ जत्थ जहा थिआओ होज्जा, तओ ते दुण्णि इत्थीओ आणेज्जाह' / एयंमि समए चंडालजुवई गंगातीरंमि सिणाणं किच्चा नियइट्ठदेवपडिमं चंदणेण पूएइ, पवित्तदेहं पसन्नमुहिं तं चंडालजुवइं रायसुहडा रण्णो आएसं सुणावेइ / सा तं सोच्चा विणा किलेसं विणा विलंबं च सा पूइअनियइट्ठदेवपडिमं घेत्तूणं सुहडेहिं सद्धिं चलित्था / तओ ते सुहडा रायपडिअघरंमि गया / तया सा विउसपत्तीमाहणी नियबालस्स विट्ठ खप्परेण घेत्तूणं पक्खेवणत्थं गिहाओ बाहिरं निग्गआ, ते सुहडा तं माहणिं नरिंदाएसं सुणावेइ / सा अकयसिणाणा मइलसरीरा दीणा जं वा तं वा सुहडे जंपेइ / ते सुहडा तीए वयणाई असुणता खप्परेण सहिअं तारिसं तं घेत्तूणं निवसहाए समागया / तइया नरवई पूअणसंभारसंजुयं तं चंडालजुवई माहणिं मन्निऊणं पणामं विहेइ, सक्कार-सम्माणपुव्वयं आसणं पयच्छेइ, माहणिं च चंडालिं मन्निऊणं धिक्कारित्ता वएइ-अरे अञ्चण-वंदणपरं एयं माहणिं पच्छा पडिऊणं किं दुहं देसि ? एयाए भत्तारं पि किं पीलेसि ? तुमं दंडिस्सामि / __जह वावारिणो तुलाए दुण्णि पल्लाइं संति, एगंमि पल्लंमि मप्पाई मुंचेइ, अन्नंमि देयवत्थूई मुएइ, पल्लाणं विवरित्ताणंमि दत्त-चित्तो सावहाणो वावारी होइ / इहं तु नरिंदेणं पल्लाइं विवरीयाई कयाइं / एरिससरूवं दळूणं सहाए ठिओ पंडिओ अईव लज्जिरो समाणो निवस्स मुहं दंसिउं असमत्थो जाओ / बीहंतो कटेण निवसमीवे गंतूणं कण्णे साहेइ-एसा न चंडालजुवई, किंतु मम धम्मपत्ती माहणी अत्थि / एवं सोच्चा रण्णो अईव हरिसो संजाओ, उच्चयं हसिऊणं वएइ-अरे पंडिअ ! मए नाओ न विहेयव्वो, दंडो वि न दायव्वो, मम कजं तु पञ्चक्खं अज्ज दइव्वेण कयं अत्थि / जस्स जारिसं मूलसरूवं अत्थि, तं तस्स तारिसं पयडीकाऊणं दावियं, इह बोहो तुम्हेहिं गहियव्वो च्चिय / एवं सोच्चा सहामज्झो नियलहअंपासित्ता सो विउसो तओ पारब्भ उवसमपरो जाओ / उवएसो नियगुणहाणिविहायग-कोवस्सेत्थ कडुयं फलं नग्या / भविया तुम्हे वि सया, उवसमगुणधारगा होह / / 2 / / कोवस्स कडुयविवागंमि विउसवरस्स तिउत्तरसयइमी कहा समत्ता / / 103 / / —अखंडाणंदाओ 1. रथ्यायां / / 2. माप्यानि मापा / / 3. दर्शितम् / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |