________________ पमायपसत्तस्स खुड्डगमुणिणो कहा-१०१ 127 तत्तो जलजलणानिलपुढवीसुं असंखकालं उप्पन्नो, एवं वणस्सइयंमि अणंतं कालं / तओ बब्बर-मायंग-भिल्ल-चम्मयर-रयगपमुहेसुं दुक्खजीवी सव्वत्थ वि बहुसो संवसिओ / कहिं सत्थदारिओ, कहिं पि लेठ्ठचूरिओ, कहिं पि रोगदूमिओ, कहिपि विज्जुझामिओ एवं कहिंपि कहिपि धीवराहओ जायदाहगो अग्गिदड्डो गाढबद्धो गब्भसाविओ सत्तुमारिओ जंतपीलिओ सूलकीलिओ वारिवूढो गड्डछूढो य सो महादुहं सहंतो मच्चुणो मुहं संपत्तो / इय भूरिभवपरंपरदुक्खसहणुप्पन्नकम्मलहुभावेण पयणुकसायत्तणेण य सो चुनपुरे वेसमणसेट्ठिणो वसुभद्दाए भज्जाए उयरंमि पुत्तभावेण उप्पन्नो 'गुणायरो' त्ति तस्स नामं कयं, कमेण सो देहेण बुद्धिवित्थरेण य वड्ढिउं आढत्तो। अह अन्नया कयाई तत्थ तित्थयरो समोसरिओ, तस्स वंदणवडियाए नयरजणो सो गुणायरो य तहिं तुरियं समागओ जयनाहं वंदित्ता धरणीपिटुंमि उवविठ्ठो / पहुणा संसयसहस्समहणी सिवसुहजणणी कुदिट्ठितमहरणी
