Page Text
________________ पमायपसत्तस्स खुड्डगमुणिणो कहा-१०१ 125 सो बम्हणो चिंतेइ-अरे ! अहं विमूढो होऊणं कहं इहं समागओ ? / पढियसव्वधम्मसत्थो अहं माहणत्तणं कहं चएमि ?, अलाहि इमीए आसुरीविज्जाए, एवं पच्छातावं कुणंतो हरिजणं मंतपढणटुं निसेहित्ता वएइ-धम्मभंसविहाणीए एयाए विजाए मम पयोजणं नत्थि / हरिजणो वएइ-अहुणा आसुरीविज्जाए बहुपहावो दीसइ, रायराएसरा वि तयहीणा' चेव वट्टेइरे / सत्तुविणासणटुं जुवइजणवसीकरणटुं च मलिणविज्जापओगो कराविज्जइ / जंमि एसा मइलविज्जा मुंचिज्जइ, सा तं समूलं विणासेइ / पंडिओ साहेइ-कासीए एयारिसमलिणविज्जासाहगा बहवो जणा दिट्ठा, ते सव्वे मंसमज्जंमि पसत्ता, उम्मग्गगामिणो होऊणं पजंते सारीरिय-माणसियदुक्खद्दिया असमाहिभावपत्ता सुणिज्जंति, अओ अलं इमाए मइलविज्जाए त्ति वोत्तूणं नियगामंमि समागओ सत्थत्थचिंतणपरो नियधम्ममि दिढयरो संजाओ / उवएसो बंभणविउसस्सकहं, जणाण सम्मग्गदसणट्ठाए / सोचा भविया तुम्हे, जह स-परहियं तहा जयह / / 2 / / तामसीविजागहणंमि विउसमाहणस्स सयइमी कहा समत्ता / / 100 / / -गुजरभासाकहाए 101 ____ एगुत्तरसयइमी पमायपसत्तस्स खुड्डगमुणिणो कहा --------- कयकरणा वि सकजं, अञ्चंतपमाइणो न साहिति / परिवडियविरइबुद्धी, आहरणं खुड्डगो एत्थ / / 1 / / महिमंडणनयरंम्मि नाणाइगुणनिहाणो सिरिधम्मघोससूरी बाहिरुज्जाणंमि समोसरिओ / तस्स आयरियस्स निम्मलगुणाणं मुणीणं पंचसयाइं परिवारो अस्थि / तप्परिवुडो सो सुरसहिओ सुरिंदो व्व रेहइ / नवरं ससहरसरिच्छे तग्गच्छे रयणायरे वडवग्गी विव, सुरपुरंमि राहुव्व परितावकरो भीमो अइकलुसमई निद्धम्मो सीलपसमगुणवियलो साहूणं असमाहिंगरो रुद्दो नामेणं सीसो आसि / मुणिजणनिंदियकज्जे भुज्जो भुज्जो समायरंतं तं समणा करुणाए महुरवयणेहिं एवं तज्जंति-'भो वच्छ ! पवरकुलवडिओ तं सि, तह य सुगुरुणा तं दिक्खिओ सि, अओ एवंविहस्स तुह निंदियत्थकारित्तणं अजुत्तं' एवं महुरगिराए वारिजंतो वि जाव दुञ्चरियाओ न विरमेइ ताव निङ्करगिराए तेहिं भणिओ-'रे दुरासय ! जइ इयाणिं 1. तदधीनाः / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |