Page Text
________________ सयइमी तामसी विजागहणंमि विउसमाहणस्स कहा जा विजा पारंभे, अच्छेरविहाइणी वि पजुते / असुहकरी सा हेया, नियंसणं माहणो इहयं / / 1 / / ___इह जगंमि दइवी तामसी य दोण्णि विज्जाओ संति / तत्थ दइवी विज्जा इह परलोगहियकरी, तामसी य विज्जा आसुरीरूवा असुराणं पिव इह लोगंमि किंचि अच्छेरपयंसणी वि भयंकरी, जओ पजंतकाले संकिलेसकारिणी एगंतदुक्खदाइणी य, परलोगंमि दुग्गइफलसंपायणी धम्मभंसविहाइणी सा मइलरूवा सव्वहा चइयव्वा / इह माहणविउस्स नायगं ____सोरट्ठदेसे गोंडलनयरासन्नगामम्मि एगो हरिसंकरो नाम माहणो निवसेइ / सो वाराणसीए नयरीए वागरण-तक्क-साहिञ्च-वेय-पुराण-पमुहसव्वसत्थाई भणिऊणं सयलसत्थपारंगओ संजाओ / एयारिसो अन्नो कोवि विउसो नत्थि, जओ तेण सद्धिं सत्थचिंतणं कुणेज्जा, एवं समाणे वि सो स-सम्माणवड्डणे सइ तल्लिच्छो होत्था / एगया गोंडलनयरंमि भागवयसत्ताहपाराणस्स सम्मं आयोजणं होसी / तहिं बहवो विउसवरा समागच्छित्था / सो वि बंभणवरो एयंमि समायोजणम्मि समागओ / गोंडलम्मि निय-उत्तारगे समागंतूणं नियवत्थूई सम्म निरूवेइ / तइया भागवयस्स ठाणंमि महाभारहं निग्गयं / अण्णे विउसा नियनियभागवयं गहिऊणं समागया / सो बम्हणपंडिओ चिंतेइ-'मए किं कायव्वं, नियगामं गंतूणं भागवयाणयणसमओ अहुणा नत्थि, कलंमि विउसबुंदालंकियसहाए किं करिस्सं?' एवं सो अईव वाउलो संजाओ / का तइया मज्झण्हसमयंमि एगो हरिजणो पहसंमज्जणटुं तहिं समागओ / सो मुहागारेण तं विउसवरं अईव चिंतामग्गं दट्टणं पुच्छेइ-भो महाराय ! कम्मि वि कट्ठम्मि पडिओ किं ? / पुव्वं पंडिओ किं पि न वएइ, परंतु पुणरुत्तं पुच्छिज्जमाणो सो साहेइ-'नियगामाओ इहागमणे पमाएणं भागवयट्ठाणे महाभारहं समागयं, मम गामो इओ नवकोसपज्जते दूरं वट्टेइ, तहिं गंतूणं इहागमणकालो अहुणा नत्थि, अओ किं कायव्वं ! ति विमूढो अहं जाओ म्हि' / सो हरिजणो कहेइ-एयकज्जम्मि अलं वियारणाए, तुव भागवयं एत्थ अहं आणेमि / विउसो वएइ-असक्कं इमं, एयं दूरयराओ इह कहं समागच्छेज्जा ? इह गामाओ अन्नस्स कासवि आणेउं सुलहं, न मईयं भागवयं / सो हरिजणो वएइ-तुम्ह गामाओ तुम्हेच्चय-घराओ तुम्हकेरं चिय भागवयं हं आणेमि, न अन्नस्स, केवलं तुम्हे पंचक्खणं जाव नयणाइं निमीलित्ता चिट्टेह, तुम्हेञ्चयं भागवयं अवस्सं इहमेव आगच्छिस्सइ / तइया असद्दहंतो वि स अक्खीइं निमीलिऊणं खणं संठिओ / खणंतरंमि तस्सेव भागवयं तस्समीवंमि आवडियं, तेण उग्घाडिएहिं नयणेहिं समागयं नियं भागवयं दिटुं, संपत्तच्छेरो सव्वसत्थपारंगओ स विउसो चिंतेइ-एसो हरिजणो सिद्धमंतो अस्थि / तओ तम्मंतगहणलालसो हरिजणं साहेइ-मम एयं मंतपयाणं कुणेह / तेण तस्स मंतपयाणं अंगीकयं / विउसस्स मंतसाहणसामग्गिं उवदंसिऊणं 'ताई घेत्तूणं राईए मसाणमज्झे आगंतव्वं' ति कहियं / सो विउसो उवयोगिसव्वसंभारे घेत्तूणं मसाणंमि आगओ /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |