________________ धणलुद्धस्सधुत्तस्स कहा-९६ 115 तओ पुत्तो तहिं गंतूणं सुत्तं एगं नरं दठूणं पिउणो पुरओ साहित्था / पिआ साहेइ-कोवि धुत्तो निहिं गहिउं आगओ मिसं काऊणं ठिओ होज्जा / तओ पिउणा पुणो सो पेसिओ समाणो तहिं गओ, सुठु निरिक्खिअ मयपायं तं दतॄणं पिउणो अग्गओ अकहिंसु / पिआ कहेइ-परिक्खिऊणं जीवंतस्स मयस्स य तस्स कण्णो छिंदित्ता समाणेहि / तओ पुत्तो तत्थ गच्छित्ता छुरिगाए कण्णे छिन्दित्था, सो न ऊससिओ / कण्णे धेत्तूणं पिउस्स ते अप्पिया / पुणो नासिगानिमित्तं सो पेसिओ / तेण नासिगाए छिण्णाए वि सो न ऊससिओ / तओ मयं तं निण्णेऊणं धणं निहाणीकाऊणं पिआपुत्ता गिहं समागया / पुणो एगया पियापुत्ता वणं गया / निहाणं गयं दट्टणं उयरं कुट्टिऊणं गिहं आगया / तेहिं च वियाणियंअम्हाणं लच्छी तेण धुत्तेण गहिया / तओ अन्नया विडनडमझमि विलसंतं गयनासिकाकण्णं उवलक्खित्ता रण्णो अग्गओ लच्छीगमणसंबंधो तेहिं साहिओ / तओ रण्णा सो आहविओ / वुत्तं च अस्स सेट्ठिणो तुमए सिरि गहिया, तं पच्छा अप्पेसु / सो आह-राय ! मए अस्स सिरी मुहा गहिया नत्थि, जओ मए अस्स कण्णा नासिगा य दिण्णा, तेहिं सिरी गहिया / मम कण्णनासिगाओ दाऊणं पच्छा लच्छिं गिण्हित्ता एसो गच्छउ / तओ राया वयासी-सेट्ठी ! इमस्स जं तुमए गहियं तं अप्पाहि / तओ सेट्ठी तं दाउं असमत्थो संतोसं धरिऊणं गिहं आगओ / एवं तेणं धुत्तेण सिरिनिमित्तं छेयभेयणाइं सहित्ता सो सेट्ठिओ वंचिओ त्ति / उवएसो धुत्त-धणियसेट्ठीणं, सुणिय सुकहाणगं / विणिओगं सुपत्तंमि, लच्छीए कुण सव्वहा / / 2 / / धणलुद्धस्स धुत्तस्स छण्णउइयमी कहा समत्ता / / 16 / / -पबंधपंचसईओ 1. मृतप्रायम् / /
