Page Text
________________ 110 पाइअविनाणकहा-२ हरिहरबंभाइसुरा, विसएहिं वसीकया य सव्वे वि / धन्नो कुम्मापुत्तो, विसया वि वसीका जेण / / 11 / / जं तेण पुव्वभवम्मि सुचिरं सुचारित्तं पालियं तेण तारुण्णे वि तस्स विसयविरत्तत्तणं संजायं / अण्णदिणम्मि मुणीसरगुणिज्जमाणागमं सुणंतस्स कुमारस्स जाईसरणं समुप्पणं / जाईसरणेण संसारासारयं मुणंतस्स भावविसुद्धीए खवगसेढिं पवनस्स सुक्कज्झाणानलेण कम्मिंधणनिवहं दहंतस्स तस्स अणंतं केवलवरनाणं समुप्पन्नं / जइ ताव चारित्तं अहं गिण्हामि ता नूणं सुयसोगवियोगदुहियाणं मायतायाणं मरणं हवेज्जा / तम्हा केवलनाणी भावचारित्ती सो कुमारो नियमायतायउवरोहाओ घरम्मि चिरं च्चिय चिट्ठइ / वुत्तं च कुम्मापुत्तसरिच्छो, को पुत्तो मायतायपयभत्तो ? / जो केवली वि स घरे, ठिओ चिरं तयणुकंपाइ / / 12 / / कुम्मापुत्ता अन्नो, को धन्नो जो समायतायाणं ? / बोहत्थं नाणी वि हु, घरे ठिओऽत्रायवित्तीए / / 13 / / जं गिहिणो वि कुम्मापुत्तस्स केवलनाणं उप्पन्नं, तं तत्थ भावविसुद्धी वियाणियव्वा / भावेण भरहचक्की आयंसघरम्मि, वंसग्गमारूढो मुणिवरे पेक्खंतो इलाइपुत्तो, तह य भरहेसरपिक्खणं कुणंतो गिहत्थो वि आसाढभूइमुणी केवलनाणं संपत्तो / तओ मेरुस्स सरिसवस्स य जेत्तियमित्तं अंतरं तत्तियं दव्व-भावत्थवाणं अंतरं वियाणियव्वं। वुत्तं च उक्कोसं दव्वत्थवं, आराहिअ जाइ अझुयं जाव / भावत्थवेण पावइ, अंतमुहुत्तेण निव्वाणं / / 14 / / इह महाविदेहम्मि मंगलावई विजए रयणसंचया नामं नयरी, तीए नयरीए देवाइयो नाम चक्कवट्टी रज्जें परिभुंजइ / अण्णया जगदुत्तमनामो तित्थयरो उज्जाणम्मि समोसरिओ / देवेहिं समोसरणं विनिम्मियं / चक्की जिणागमणं सोच्चा सपरिवारो वंदणकए समागओ / तिक्खुत्तो आयाहिणपयाहिणं करिअ जिणंदं वंदिअ उइयपयेसे उवविठ्ठो / तओ सो पहू भवियजणाणं सुहासमाणीए वाणीए धम्मं कहेइ-भो ! भो ! सुणंतु भविया ! अयं जीवो कहं पि निगोयमज्झाओ निग्गंतूणं बहुएहिं भवेहिं पबलपुण्णेहिं मणुअत्तं, तत्तो आरियखित्तं नीरोगदेहं सुहगुरुसंजोगं धम्मसवणं जिणवयणसद्दहणं च लहेइ, तत्थ संजमो, तहिं च अपमायभावो सदुल्लहो वियाणियव्वो / वुत्तं च ते धन्ना कयपुन्ना, जेणं लहिऊण सव्वसामग्गिं / चइय पमायं चारित्त-पालगा जंति परमपयं / / 15 / / इअ जिणुवयेसं सोच्चा के वि सम्मत्तं, के वि चारित्तं, के वि देसविरइं पडिवन्ना / इत्थंतरम्मि दोणनिवो दुमादेवी जे कुम्मापुत्तस्स पुव्वभवमायपियरा तह य जक्खिणीजीवकमला तीए य भत्ता भमरनरिंदो जे महासुक्कम्मि उप्पन्ना ते चउरो तओ चविऊणं भरहखित्ते वेयड्ढे खेयरा जाया / चउरो वि ते भुत्तभोगा चारणसमणंतियम्मि गहियचरणा तत्थेव समागंतूणं जिणिंदं अभिवंदिऊणं निविठ्ठा /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |