Page Text
________________ भावधम्मम्मि कुम्मापुत्तस्स कहा-९४ 109 ते चारित्तं पालिऊणं महासुक्कदेवलोगे मंदिरविमाणम्मि उप्पन्ना / सा जक्खिणी वि तओ चइत्ता वेसालीए नयरीए भमरभूवइणो भज्जा निम्मलसीलधरा कमला नामेणं संजाया / भमरनरिंदो कमलादेवी य दुवे वि गहियजिणधम्मा अंतसुहज्झवसाया तत्थेव देवलोगम्मि सुरवरा जाया / इओ य भरहखेत्तम्मि रायगिहं वरनयरं अस्थि / तत्थ य महिंदसीहो अरिकरिविणासे सिंहव्व रज्जं कुणेइ / तस्स य कुम्मा नाम महादेवी अस्थि / विसयसुहं भुंजंताणं ताणं सुहेण कालो वञ्चइ / अन्नदिणे सा देवी नियसयणिज्जम्मि सुत्तजागरिया सुमिणम्मि मणहरणं सुरभवणं पिच्छइ / पभायसमए जाए सयणिज्जाओ उट्ठिऊणं सा देवी रायसमीवं गंतूणं महूराहिं वग्गूहिं जंपेइ-सामि ! अज्ज अहं सुमिणम्मि सुरभवणं पासिऊणं पडिबुद्धा / अस्स सुमिणस्स को फलविसेसो भविस्सइ ? इअ सुणिअ रोमंचिअसरीरो हठ्ठतुट्ठो राया नियमइविहवाणुसारेण एरिसं वयणं साहेइ-देवि ! तुमं सड्ढसत्तदिणाहिए नवमासे पडिपुण्णे बहुलक्खणगुणजुत्तं पुत्तं पाविहिसि / इअ नरवइणो वयणं सुणिऊणं हट्ठतुट्ठहियया नरनाहाणुनाया सा नियट्ठाणं समागया / तत्थ य कुमारजीवो देवाउं पालिऊणं कुम्मादेवीए उयरम्मि सरम्मि हंसव्व अवइन्नो, तेण गब्भेण सा अणुवमं सोहग्गं समुव्वहइ, गब्भस्स य अणुभावेणं तीसे धम्मागमसवणदोहलो सुहपुण्णोदएण उप्पन्नो / तओ नरवइणा कुम्मादेवीए धम्मसवणकए छइंसणविउसा सद्दाविआ / ते ण्हाया कयबलिकम्मा कयासीपदाणा नरवइणा दत्तसम्माणा भद्दासणोवविट्ठा निअनिअधम्मं पयासंति / जिणधम्मरया सा कुम्मादेवी इअरेसिं दंसणीणं हिंसाइसंजुयं धम्मं सुणिय अईव खेयं समावन्ना / वुत्तं च न सा दिक्खा न सा भिक्खा, न तं दाणं न सो तवो / न तं झाणं न तं मोणं, दया जत्थ न विजइ / / 8 / / दाणं देउ, मोणं विहेउ, वेदाइयं च वियाणेउ, देवादियं निच्चं झाएउ, तह वि दयाविरहियं सव्वं निप्फलं चेव णायव्वं / तओ नरवइणा जिणसासणसूरिणो आहूया, ते जिणागमतत्तसारं अहिंसाइधम्मसरूवं परूवेइरे / तहा हि छज्जीवनिकायाणं, परिपालणमेव विजाए धम्मो / जेणं महव्वएसुं, पढमं पाणाइवायवयं / / 9 / / एक्कञ्चिय इत्थ वयं, निद्दिटुं जिणवरेहिं सव्वेहिं / पाणाइवायविरमण-मवसेसा तस्स रक्खत्थं / / 10 / / इअ मुणिवरवयणाई सोच्चा देवीए चित्तं परमसमुल्लासं आवन्नं / पडिपुण्णेसुं दिणेसुं संपुन्नदोहला कुम्मादेवी सुहवासरे सुहलग्गे पुत्तरयणं पसूआ / अम्मापिऊहिं धम्मागमसवणदोहलाणुसारेण धम्मदेवत्ती नामं पइट्ठियं / उल्लावणेण य अवरनामं कुमापुत्तु त्ति ठवियं / सो कमेण वड्ढमाणो सयमेव सबुद्धीए बावत्तरिं कलाओ अहिज्जइ, अज्झावगो उ नवरं सक्खित्तणं संपत्तो / किं तु सो पुव्वभवकयबालगबंधणुच्छालणाइकम्मवसेण दुहत्थपमाणदेहो वामणओ जाओ / निरुवमरूवगुणेण तरुणीजणचित्ताई मोहितो सोहग्गाइगुणजुत्तो कमेण सो जुव्वणं पत्तो विमुणियतत्तो कुम्मापुत्तो विसयविरत्तो संजाओ / वुत्तं च
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |