Page Text
________________ 108 पाइअविनाणकहा-२ चत्तारि पंच जोअण-सयाइ गंधो अ मणुअलोगस्स। उड्डे वञ्चइ जेणं, न हु देवा तेण आयंति / / 4 / / पंचसु जिणकल्लाणेसु चेव महरिसितवाणुभावाओ / जम्मंतरनेहेण य, आगच्छंति सुरा इहयं / / 5 / / तओ केवलिणा तीसे जम्मंतरसिणेहाइयं कहियं / तं सोञ्चा ते बिंति-सामिय ! कया वि अम्हाणं कुमारसंगमो कह वि होही ? केवलिणा वुत्तं-पुणो जया इह वयं आगमिस्सामो, तइआ भविस्सइ / इअ संबंध सोच्चा संविग्गा कुमरमायपियरो लहुपुत्तं रज्जे ठविअ तयंतियम्मि चरणं आवन्ना / दुक्करतव-चरणपरा विसुद्धाहारगवेसगा निस्संगचित्ता तिगुत्तिगुत्ता ते केवलिणा सद्धि विहरंति / अन्नदिणे गामाणुग्गामं विहरंतो सो केवली तेहिं संजुत्तो तत्थेव दुग्गिलवणे समोसढो / अह सा जक्खिणी अवहिणा कुमारस्स आउं थोवं वियाणिऊणं तं केवलिं कयंजली पच्छेइ-भयवं ! अप्पं जीवियं कहमवि अभिवड्डेउं तीरिज्जए ? तओ सो केवली कहेइ तित्थयरा य गणहरा, चक्कधरा सबलवासुदेवा य / अइबलिणो वि न सक्का, काउं आउस्स संधाणं / / 6 / / इअ केवलिवयणाई सोच्चा विसण्णचित्ता सा अमरी नियभवणं संपत्ता, कुमारेण दिट्ठा पुट्ठा य-सामिणि ! पिए ! अज्ज केण हेउणा मणे विसण्णा सि ? सा किंचि वि अकहती महाविसायभरं वहन्ती पुणो निब्बंधणेण पुट्ठा सयलं वुत्तंतं साहए-सामिय ! मए अवहिणा तुह अप्पं चिय जीवियं नाऊणं आउससरूवं केवलिपासे पुढे कहियं च / एएण कारणेण नाह ! अहं अईव दुक्खिया तुह विरहं कहं सहिस्सामि ? कुमारो जंपइ-पिए ! खेयं मा कुणसु, चलबिंदुचंचले जीविए को थिरत्तं मन्नेइ ? जइ मज्झुवरि सिणेहं धरेसि ता पाणप्पिए ! केवलिस्स पासम्मि मं मुंचसु, जेण अप्पणो कज्जं करेमि / तो तीए ससत्तीए केवलिपासम्मि कुमारो पाविओ / सो केवलिणं वंदिऊणं जहरिहठाणं आसीणो / तत्थ ठिआ मायतायमुणी पुत्तस्स सिणेहेण तं कुमरं अवलोइऊणं रोइउं पवत्ता / अयाणंतो कुमारो वि केवलिणा समाइट्ठो-कुमार ! वंदसु मायतायमुणी इह समासीणा / सो कुमारो केवलिणं पुच्छइ-पहु ! एएसिं वयग्गहो कहं जाओ ? केवलिणा वि पुत्तवियोगकारणं वज्जरियं / इअ सुणिअ सो कुमारो मोरो जह जलहरं जह व चकोरो चंदं तह मायतायमुणिणो पलोइत्ता हरिसवसुल्लसियरोमंचो संतुट्ठो संजाओ / सो य नियमाय-तायमुणीण कंठम्मि विलग्गिऊणं रोयंतो एयाए जक्खिणीए महुरवयणेहिं निवारिओ / तओ अमरी नियमायतायदंसणपमोयभरभरियं कुमरं केवलिणो सगासम्मि विणिवेसए / ____ अह केवली सव्वेसिं तेसिं उवगारकारणं धम्मदेसणं कुणेइ / जो भविओ मणुअभवं लहिऊणं धम्मम्मि पमायं आयरइ सो चिंतामणिरयणं लभ्रूणं रयणागरम्मि गमेइ / ते धन्ना कयपुन्ना, जे जिणधम्मं धरंति निअहियए / तेसिं चिय मणुअत्तं, सहलं सलहिजए लोए / / 7 / / इअ देसणं सोच्चा जक्खिणीए सम्मत्तं पडिवन्नं / कुमरेण य गुरुअंतिए चारित्तं गहियं / तओ सो थेराणं पायमूले चउद्दसपुट् िअहिज्जइ, दुक्करतवचरणपरो अम्मापिऊहिं समं विहरेइ / एवं कुमारो अम्मापियरो तिन्निवि
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |