Page Text
________________ 94 चउनउइयमी भावधम्मम्मि कुम्मापुत्तस्स कहा - - - - - - - - - -- सड्डो गिहे वसंतो वि, भावधम्मेण भूसिओ। कुम्मापुत्तव्य पावेइ, केवलनाणमुज्जलं / / 1 / / रायगिहे नयरे गुणसिलए चेइए वद्धगाणजिणो समोसरिओ / देवेहिं समवसरणं विहियं, तत्थ निविट्ठो सिरिवीरो दाणाइचउप्पयारं धम्मं कहेइ / दाण-सील-तव-भाव-भेएहिं चउव्विहो धम्मो हवइ / तेसु भावधम्मो महप्पहावो / भावो भवुदहितरणी, भावो सग्गापवग्गपुरसरणी / भवियाणं मणचिंतिअ-अचिंतचिंतामणी भावो // 2 // भावेण कुम्मपुत्तो, अवगयतत्तो अगहियचारित्तो / गिहवासे वि वसंतो, संपत्तो केवलं नाणं / / 3 / / इत्यंतरे इंदभूई नामं अणगारे भगवं महावीरं वंदइ / वंदित्ता एवं वयासी-'भयवं ! को नाम कुम्मापुत्तो ?, कहं वा तेण गिहवासे वसंतेण केवलवरनाणं समुप्पाडियं ?' / तएणं समणे भयवं महावीरे जोयणगामिणीए वाणीए वागरेइ-गोयम ! जं मे कुम्मापुत्तस्स चरियं पुच्छसि, तं एगग्गमणो होऊणं निसामेहिं। इह जंबुद्दीवे भरहखेत्तस्स मज्झम्मि दुग्गमपुराभिहाणं पुरं अस्थि / तहिं च दोणनरिंदो रज्जं पालेइ / तस्स नरिंदस्स दुमा नामेण पट्टराणी अस्थि / तीए दुल्लभनामकुमरो रम्मरूवजियमारो सुकमारो सुओ अस्थि / सो कुमारो नियजोव्वणमएण परे बहुकुमारे कंदुगं पिव गयणतले उच्छालितो सया रमेइ / ___ अन्नया तस्स पुरस्स उज्जाणे सुलोयणनामा केवली समोसरिओ / तत्थुजाणे भद्दमुही नाम जक्खिणी वसइ / सा सुलोयणकेवलिं पणमिअ एवं पुच्छेइ-भयवं ! पुव्वभवे हं माणवई नाम माणवी सुवेलवेलंधरदेवस्स परिभोग्गा पाणपिया आसि / आउक्खए इह वणे भद्दमुही नाम जक्खिणी जाया / पुणो मम भत्ता कहिं उप्पन्नो ?, नाह ! तं आइससु / तओ केवली भणेइ-भद्दे ! निसुणसु, इत्येव नयरे दोणनरवइस्स सुओ दुल्लहो नाम तुज्झ पिओ उप्पन्नो / तं निसुणिअ हिट्ठा भद्दमुही जक्खिणी माणवईरूवधरा कुमारसमीवम्मि संपत्ता / बहुकुमारुच्छालणिक्कतल्लिच्छं तं कुमारं दठूणं हसिऊणं सा जंपेइ-किं इमेण रंकरमणेण ?, जइ तुज्झ चित्तं विचित्तचित्तम्मि चंचलं होइ' ता मज्झं अणुधावसु / ___इणं वयणं सुणिअ सो कुमारो तं कन्नं अणुधावइ / तप्पुरओ धावंती सावि तं निअवणं नेइ / बहुसालवडस्स अहोपहेण पायालमज्झं आणीओ सो रमणिज्जं सुरभवणं पासेइ / अइविम्हयमावण्णो एसो इअ चिंतिउं लग्गो-'किं इंदजालं एयं' अहवा सुमिणम्मि इमं सुमिणं दीसइ, अहयं नियनयरीओ इअ भवणे केण आणीओ?
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |