Page Text
________________ अइलोहम्मि सागरसेट्ठिणो कहा-९३ 105 सव्वत्थ सुवण्णं पासंतो विम्हिओ वहूसमागमावसरं जाव कियंतं सुवण्णं घेत्तूणं पुव्वराईए कोडरम्मि पविट्ठो / आगयाओ ताओ / मंतसत्तीए रुक्खो गयणम्मि उप्पडिओ / खणेण ताओ नियट्ठाणं आगया / एवं कियंते समए गए कम्मकरो सुवण्णबलेण गिहकम्मं सम्मं न विहेइ / सेट्ठिणो सम्मुहं वएइ / धुत्तेण सेट्ठिणा चिंतियं-जं अणेण मम गेहाओ किंपि लद्धं होही / ___एगया रहंसि सेट्ठिणा तहा भासिओ, जहा तेण तुच्छपत्तेण सव्वो वि वुत्तंतो पयासिओ / 'अज्ज हं गच्छिस्सामि, कया वि तुमए कास वि न कहियव्वं' ति किंकरं जाणावित्ता रत्तीए पच्छण्णो सो रुक्खकोडरम्मि पविट्ठो / पुव्व व्व रुक्खो सुवण्णदीवं गओ / कोडराओ निग्गओ सेट्ठी / तेण सव्वा वि भूमी सुवण्णमइया दिट्ठा / लोहाविद्वेण तेण कोडरसुसिरं सुवण्णेहिं भरियं / सयं च देहं संकोइऊण ठिओ, किंचि सुवण्णं उस्संगम्मि गिहित्था / तओ वहुदुगं कोडरस्स उवरिं चिट्ठइ, अन्नवहुदुगं च रुक्खं वहेइ त्ति ववत्थाए पच्छा आगच्छंतीणं तासिं महाभारो जाओ / जाव समुद्दमज्झम्मि समायाया ताव समिया समाणा परुप्परं कहेइरे-'एयं तरुं चइऊणं जलोवरिं जो रुक्खो तरेइ सो गिण्हिज्जइ' / एयं सोच्चा मज्झत्थिओ सो सेट्ठी वएइ-हे वहूओ ! अहं अब्भंतरम्मि संठिओ म्हि, एसो तरू न चयणिज्जो / ताहिं वुत्तं-'चउव्वीसकोडिसुवण्णसामिणो तव किं ऊणं जं एत्थ समेओ सि / तव पावं तुव फलियं ति वोत्तूणं 'ओसढं विणा वाही गच्छइ' इअ भण्णित्ता ससागरं तं रुक्खं सागरम्मि पक्खिविऊणं अण्णरुक्खारूढाओ ताओ नियवासम्मि समागयाओ / सागरम्मि पडिओ सागरो वि दुहा नीचअं गओ / जओ वुत्तं जणो अणटुं पावेइ, लोहगसियमाणसो / जओ लोहपराहूओ, सागरो सागरं गओ / / 2 / / उवएसोलुद्धसागरसेट्ठिणो, अंते जाणिअ दुग्गई / मई धरेह संतोसे, भव्वा इच्छेह सग्गइं / / 3 / / अइलोहम्मि सागरसेविणो तिणउइयमी कहा समत्ता / / 93 / / -उवएसप्पासाअओ -(उपदेशप्रासादात्) 1. अमिताः / / 2. द्विधा / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |