________________ सिरिसिद्धायलतित्थपहावम्मि सूरनरिंदस्स कहा-८८ सा इत्थी दालिद्दिणी नज्जइ, संपई जइ सा नस्सइ तया वरं / 'जीवंतो नरो भद्दसयाइं पासइ', एवं विमंसिऊणं राया पत्तीपुत्तसहिओ किंचि धणं घेत्तूणं छन्नं राईए पुराओ निग्गओ / पहम्मि गच्छंतो रण्णो धणं भिल्लेहिं लुटियं / कमेण धणाभावाओ परिवारो वि गओ / तओ राया पत्ती-पुत्तजुओ पायचारी' जाओ / पाएसुं कंटगा भंजिज्जंति, रुहिरं च निग्गच्छेइ, कमेण पिवासा लग्गा / तओ राया दूरं गत्तूणं पाणीयं आणेऊणं पत्तीपुत्तो पिवावित्था / फलाहारं च कुणंतो राया पउमपुरम्मि गओ / तहिं कटुिंधणतिणाई वणाओ आणेऊणं विक्केउणं च सकुडुबो भूवो निय-उयरं भरित्था / एवं तस्स रण्णो वरिसट्ठगं गयं / / इओ अन्नया तप्पुण्णपेरियाए कीए वि देवयाए आगंतूणं वुत्तं-गच्छाहि नियपुरं, तहिं पच्छन्नत्तणेण ठायव्वं, तुव वेरी अपुत्तओ मरिस्सइ, रज्जं च तव भविस्सइ / तओ तेण देवीवयणे कए, अकम्हा वइरिम्मि मयम्मि 1. पादचारी / /
