________________ जीवदयं कुणंतीए जिणच्चणपराए जिणदासीए कहा-८७ 91 उवागया / ताव रुट्ठो सो तं डहिउं मुहाओ धूमं वमंतो होत्था / तइया तेउलेसं मुयंतं तं नञ्चा नाणेण वुत्तं-भद्द ! तावस ! नाहं सा बलागा अम्हि / एयं सोच्चा विम्हयमणो सो वयासी-भद्दे ! कहं मए हयं बलागं वियाणेसि? / जिणदासी कहेइ-वाणारसिं गच्छाहि, तहिं कुणालो नाम चंडालो मम अंतेवासी अस्थि, सो एयस्स सरूवं साहिस्सइ / म तओ सो विसेसेण विम्हिओ वाणारसीए गच्छित्था / जाव तहिं तस्स कुणालस्स दिट्ठीए पडिओ तावसो ताव तेण कुणालेण वुत्तं-'मो भद्द ! तीए जिणदासीए इह संसयच्छेयणटुं पेसिओ सि' / एवं सुणिऊणं विसेसेण विम्हयं पत्तो ‘एसो वि चंडालो कहं एवं वियाणेइ' त्ति चिंतमाणो तावसो तं कुणालं पुच्छित्था-भो भद्द ! सा जिणदासी तुमं च मम चेट्ठियं कहं वियाणेह ? / सो कुणालो वयासी-भावविसुद्धीए मम तह य जिणंदपूयं कुणंतीए तीए य जीवदयारयाए ओहिनाणं समुप्पन्नं अत्थि, तेण एवं नज्जइ / तुमं तु जीवदयाविरहियं तिव्वं तवं कुणंतो वि एयाए तेउलेसाए निरयम्मि गच्छिहिसि /
