Page Text
________________ 90 पाइअविनाणकहा-२ पसन्ना जाया। तीए साहियं-सोलस सोलस मट्टियामइया 32 कुंभा गेहमज्झम्मि ठवणीआ / अहं तु कामधेणुरूवेण तत्थ आगया तुमए दोहणीआ, सव्वे ते कुंभा सुवण्णमइया भविस्संति / तओ पइपभायं गोदोहणाओ एगत्तीसं कुंभा भरिया / बत्तीसइमे दिवसम्मि देवीए पाएसुं पडिऊण सेट्ठी वएइ-माय ! तुम्ह पसाएणं एए घडा एगतीसं सुवण्णमइया होत्था / बत्तीसइमं कुंभं तहा विहेसु, जहा अहं सपरिवारं भूवं भुंजावेमि / देवीए वुत्तं-'एवं होउ' / तओ सो पमुइओ सेट्ठी पच्चूसम्मि सपरिवारं कुमारवालभूवालं निमंतित्था / पहरम्मि संजाए राया चरमुहेणं भोयणसंभारं तस्स गेहम्मि न पासेइ / 'अहो ! अणेण मए सद्धिं हासं मंडियं' एवं सचिंते भूवम्मि सो आगारणटुं समागओ / सपरिवारो भूवो तस्स गेहम्मि भोयणाय आगओ / तइया देवी कामधेणुरूवेण तहिं संठिया / बत्तीसइमे कुंभम्मि सव्वपयारा भोयणसामग्गी समुप्पन्ना / सुहासरिसभोयणाऽऽसायणाओ अच्चंतविम्हियचित्तेण नरिंदेण सो पुट्ठो / तेण वुत्तं-सिरिजुगाइजिणज्झाणपहावाओ मम एयं सव्वं सिरिहेमचंदसूरिणो किवाफलं ति वियाणियव्वं / तओ कुमारवालनरिंदो गुरुणो माहप्पं अणुमोयंतो नियट्ठाणम्मि गओ / सो कवद्दी सड्ढो गुरुकिवासंपत्तनुहो सएव जुगादिदेवसिरिउसहजिणाराहणतल्लिच्छो गुरुदेवसेवणपरो सत्तखेत्तेसुं धणं ववंतो साहम्मियभत्तिं कुणंतो दीणाऽणाहजणे उद्धरंतो नियजम्मं सहलं काउणं सग्गसुहं संपत्तो / उवएसो जुगाइदेवज्झाणेण, गुरुभत्तकवद्दिणो / णायं सुहगरं सोचा, भवेहाऽऽराहगा तहा / / 2 / / देवगुरूणं उवासणाए संपत्तसुहकवदिसड्ढस्स छासीइयमी कहा समत्ता / / 86 / / -पबंधपंचसईए 87 सगसीइयमी जीवदयं कुणंतीए जिणञ्चणपराए जिणदासीए कहा - - - - दयाजुयजिणञ्चाए, नाणं दिव्वं हवेज वि / जिणदासीकहा रम्मा, वुञ्चइ बोहहेयवे / / 1 / / रोहियगपुरम्मि रोहियगतावसो उग्गतवतवणपरो होत्था / सव्वहा सो दयाधम्मं न वियाणेइ / तिव्वं तवं तवमाणस्स तस्स तेउलेसा पाउब्भूया / एगया तरुतलम्मि संठियस्स तस्स सिरंसि रुक्खसाहुवविठ्ठा बलागा विटुं विसज्जित्था / तइया रुद्रेण तेण तेउलेसाए सा दट्ठा / अन्नया स तावसो रोहियगनयरम्मि भिक्खळं भमंतो जिणदासगेहम्मि गच्छित्था / तया तस्स भज्जा जिणदासी किवावई जिणपूआपरायणा चिरेण भिक्खं दाउं जाव
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |