________________ भावणाए सिवनरिंदस्स कहा-८३ पावकम्माइं कयाई, तेण मम निरए बहुदुक्खगरो पाओ भविस्सइ, तुमं तु सग्गाइसोक्खदायगं जीवदयारूवं धम्म समायरित्ता सग्गम्मि दिव्वरूवविहवजुआ देवया होत्था / तओ राया पञ्चक्खं धम्मसरूवं दट्टणं सज्जो सव्ववसणं चइऊण धम्मम्मि दिढयरो संजाओ / देवी वएइ-'नरिंद ! जीवदया सम्म पालणीअ' / जओ वुत्तं आसन्ने परमपए, पावेयवम्मि सयलकल्लाणे / जीवो जिणिंदभणियं, पडिवाइ भावओ धम्मं / / 11 / / एवं सिरिमई देवी नरिंदं धम्ममग्गम्मि ठविऊण भूवनंदणाणं रयणदुगं समप्पिऊणं सग्गे गया / तओ पभिई चत्तवसणसत्तगो धम्मपरायणो भूवई सेयरयणमइयं जिणपासायं नयरमज्झम्मि विहेऊण तम्मि पासाए सिरिसंतिनाहस्स पइटुं सूरिणो आगारिऊण समहं करावित्था / वुत्तं च पासाओ पडिमा जत्ता, पइट्ठा य पहावणा / - अभउ-घोसणाईणि, महापुण्णाइं देहिणं / / 12 / / एगया भूवई सिरिसंतिनाहस्स पडिमं वरकुसुमेहिं पूइऊणं मणोहरं नेवेज्जं च जिणस्स पुरओ ठविऊणं भत्तिभरमाणसो उयारगुणजुत्तेहिं थवेहि सिरिसंतिजिणीसरदेवं थुणिउं पारद्धो / एवं विसुद्धभावणं एगग्गचित्तेणं भावितस्स तस्स सिवभूवस्स संतिजिणवरस्स पुरओ केवलनाणं होत्था / तइया देवयादिण्णलिंगो सिवरायरिसी केवली केवलनाणेण पुढविं पबोहिऊणं कमेण कम्मक्खयाओ मुत्तिपुरं लहिंसु / वुत्तं च भावविसुद्धीए हत्थिं पि समारूढा, रिद्धिं दठूणं उसहसामिस्स / तक्खणसुहज्झाणेणं, मरुदेवी सामिणी सिद्धा / / 13 / / एवं जे भावणं भव्वा, भाविंति सुद्धभावओ / लहंते केवलं नाणं, ते किञ्चा कम्मणो खयं / / 14 / / उवएसो इह सिवनरिंदस्स, दिद्रुतं भावजूसियं / सोया भव्वा जिणञ्चाए, जएह भावओ तह / / 15 / / भावविसुद्धीए सिवनरिंदस्स तेयासीइमी कहा समत्ता।।८।। -विक्कमचरियाओ 1. भावजृष्टं सेवितम् / /
