Paiavinnankaha Part 02

SR No.: 004269
Original Sutra Author: N/A
Author: Kastursuri, Somchandrasuri
Publisher: Rander Road Jain Sangh
Publication Year: 2005
Total Pages: 254
Language: Hindi, Sanskrit
Classification: Book_Devnagari
File Size: 38 MB

Page 111

82 पाइअविनाणकहा-२ सिरिमई सुरी आहेडय'-परद्दोह-मज्जपाणाइपसत्तं सिवभूवं पेक्खिऊणं हिययम्मि वियारित्था-'मए मम पई एयाओ पावकम्माओ सिग्धं निवारणिज्जो' त्ति एवं वियारित्ता कुरूवा चंडालरूवधारिणी मइलवत्था हत्थम्मि नरकवालं धारयंती मज्जं पिवंती मंसं भक्खंती सा सिरिमई देवी रायपहम्मि जलच्छंट कुणंती सणियं सणियं चलित्था / तइया सहामज्झसंठिओ महीवई तारिसिं विलयं दट्टणं वयासी-मंति ! एसा चंडाली मग्गम्मि जलच्छंट विहेइ ?, भूवाणए मंतीसरो चंडालीपासम्मि गंतूणं वारिच्छंटाछंटणकारणं पुच्छित्था / हत्थे नरकवालं ते, मइरामांसभक्खिए / भूवो पुच्छेइ चंडालि !, मग्गे किं खिप्पए घडा? / / 6 / / सहाए एञ्च चंडाली, सुणते पुढवीसरे / वयासि त्ति तया चारु-यमवयणभासिणी / / 7 / / कूडसक्खी मुसावाई, कयग्यो दिग्घरो सणो / कयाई चलिओ मग्गे, तेणेसा खिप्पए घडा / / 8 / / मंती वयासीचंडालि !, मेवं वयाहि संपयं / चंडाला नहि सुझंति, जलेण ण्हविया अवि / चंडाली वयासीकूडसक्खी मुसावाई, कयग्यो दीहरोसणो / / 9 / / जलेण भजपाणाई, न सुज्झए कयावि य / वुत्तं चचित्तं अंतग्गयं दुटुं, तित्थजले न सुज्झइ / / 10 / / जलेहिं बहुसो धोयं, सुरापत्तमिवाऽसुहं / एवं सव्वं मंतिमुहाओ सुणिऊण महीसेण आहविया सा जलच्छंट खिवंती निवसमीवम्मि समागया / सहाए उवरिं जलच्छंट खिविऊण जाव संठिया ताव निवो कोहेण तं हणिउं आदिसित्था / मारिज्जमाणा वि चंडाली मणयं पि न च्छिन्ना न य भिन्ना / राया झियायइ-'इयं नारी वंतरी किंनरी सुरी वा अत्थि, जइ माणवी सिया तइया मारिज्जमाणा खणेण मरेज्जा / तेण एसा किंनरी देवी वा विज्जइ, न संदेहो इह / नूणं मए देवयाणं आसयणा विहिया / एयाओ पावाओ अहमयमो हं कहं छुट्टिस्सं ?, चंडाली नरवइणो माणसं धम्ममग्गाणुगं पेक्खित्ता सिग्धं निवइस्स पुरओ दिप्पमाणाभरणा देवी होऊण पयपडिया / भूवो वयासी-का असी तुमं ? किमटुं कत्तो य समागया ? देवी अप्पणो पुव्वसंसारसरूवं साहित्था / 'भवओ पडिबोहटुं मए चंडालीरूवनिम्मणाइयं कयं' ति तुं जाणाहि / राया आह-देवी ! मए मिगयापमुहाई बहूइं 1. आखेटक: 'शिकार'इति भाषा / / 2. विनिताम् / / 3. धौतम् / /