Page Text
________________ चउरासीइमी भावओ तवविहाणम्मि नागकेउणो कहा तवो भावेण आइण्णो, सव्वसोक्खगरो इह / नागकेउस्स दिटुंतो, केवलनाणपावगो / / 1 / / चंदकंतानयरीए विजयसेणो नामं राया रज्जं विहेइ / तत्थ सिरिकंतो नामं ववहारिओ वसइ, तस्स सिरिसही भज्जा अत्थी / तीए बहुपस्थिओ एगो सुओ पसूओ / सो य बालगो आसन्ने पज्जुसणापव्वम्मि कुडुंबकयउववासत्तयरूवं अट्ठमतववत्तं सोच्चा जायजाइसुमरणो थण्णपाणगो वि अटुंम तवं कासी / तओ तं थण्णपाणं अकुणंतं पज्जुसियमालईकुसुमं पिव मिलाणं आलोइऊणं मायपियरा अणेगे उवाए अकरिंसु, कमेण य मुच्छियं तं बालं मयं नच्चा सयणा भूमोए निखिविरे ! ___ तओ य विजयसेणो राया तं पुत्तं तद्दुक्खेण य तस्स पियरं मयं वियाणित्ता तद्धणगहणटुं सुहडे पेसित्था / इओ य अट्ठमतवपहावाओ पकंपियासणो धरणिंदो सयलं तस्सरूवं वियाणिऊणं भूमिट्ठियं तं बालगं अमयछंटाए आसासिऊणं माहणरूवं किच्चा धणं गिण्हमाणे सहडे निवारित्था / तं सोच्चा राया वितरियं तत्थ आगंतणं वयासी-भो माहण ! परंपरागयं अम्हाणं अपुत्तधणग्गहणं कहं निवारेसि ? / धरणिंदो साहित्था-राय ! जीवेइ एयस्स पुत्तो / 'कहं कत्थ अत्थि' त्ति निवाईहिं वुत्तो सो भूमित्तो तं जीवमाणं बालगं सक्खं किच्चा निहाणं पिव दंसित्था / तओ सव्वेहिं पि सविम्हएहिं-'सामि ! को तुमं, को एसो' त्ति पुढे सो वयासी-अहं धरणिंदो नागराओ कयअट्ठमतवस्स अस्स महप्पणो सहेजटुं आगओम्हि ! रायपमुहेहिं वुत्तं 'सामि ! जायमेत्तेण एएण अट्ठमतवो कहं कओ' ? / धरणिंदो वएइ-राय ! एसो हि पुव्वभवम्मि कोइ वणियपुत्तो बालत्तणम्मि मयमायरो होत्था / सो य अवरमाऊए अञ्चंतं पीलिज्जमाणो मित्तस्स नियदुक्खं कहित्था / सो वि 'तुमए पुव्वजम्मम्मि तवो न कओ तेण एवं पराभवं लहसि' त्ति उवदिसित्था / तओ एसो जहसत्तितवकम्मनिरओ आगामिणीए पज्जुसणाए अवस्सं अट्ठमं तवं करिस्सं ति मणंसि निच्चयं काऊणं तिणकुडीयरम्मि सुवित्था / तइया लद्धावसराए विमाउए आसन्नवन्हिकणाओ अग्गिकणो तहिं निक्खित्तो, तेण य कुडीरयम्मि जलियम्मि सो वि मओ / अट्ठमज्झाणाओ य इमो सिरिकंतमहिब्भनंदणो जाओ / तओ अणेण पुव्वभव-चिंतिओ अट्ठमतवो विहिओ / तओ एसो महापुरिसो लहुकम्मो एयम्मि भवम्मि मुत्तिं गच्छिस्सइ / तओ जत्तेण पालणिज्जो / भवंताणं पि समए महुवयाराय होहिइ त्ति वोत्तूणं नागराओ नियहारं तास कंठम्मि निक्खिवित्ता सट्ठाणं गच्छित्था / तओ सयणेहिं सिरिकंतस्स मयकज्जं विहेऊण तस्स नागकेउ त्ति नामं कयं, कमेण य सो बालत्तणाओ जिइंदिओ परमसावगो होत्था / _एगया य विजयसेणरायेण को वि अचोरो वि चोरकलंकेण हओ वंतरो जाओ, सो सयलनयरविणासणटुं सिलं विउव्वित्था / रायाणं च पायप्पहारेण रुहिरं वमंतं सीहासणाओ भूमीए निवाडित्था / तइया सो नागकेऊ 'कहं संघ-जिणपासायविद्धंसं जीवमाणो पासामि' त्ति बुद्धीए पासायसिहरम्मि आरोहित्ता तं सिलं नियहत्थेण धरित्था / तओ सो वंतरो वि तस्स तवसत्तिं असहंतो सिलं संहरिऊण नागकेऊं णमंसित्था / तस्स वयणेण निवंपि उवद्दवरहियं कासी /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |