Page Text
________________ 83 तेयासीइमी भावणाए सिवनरिंदस्स कहा - - - विसुद्धं भावणं भव्वा, भावेह नियमाणसे / सिवभूवो व अन्हाय, पावेइ अव्वयं पयं / / 1 / / सिरिवद्धणपुरम्मि सूरभूवो नाएण रज्जं पालेइ, तस्स पउमादेवीभवो सिवो नामो वरलक्खणो पुत्तो होत्था। पिउणा सिवो पुत्तो उवज्झायपासम्मि तहा पढाविओ जहा सो सव्वधम्मकम्मकलाणं पारं पाविओ / जायम्मि जीवलोए, दो चेव नरेण सिक्खियव्वाइं / कम्मेण जेण जीवइ, जेण मुओ सग्गइं जाइ / / 2 / / अह सिरिपुरम्मि धीरभूवईणो सिरिमई तणयं सूरेण नरिंदेण समहूसवं पुत्तो परिणाविओ / तओ से धम्मधुरंधरो सूरभूवो पियाए समं पज्जंते सम्मं आराहणं विहेऊणं देवलोगं गओ / जओ वुत्तं धम्मेण कुलपसूई, धम्मेण य दिव्वरूवसंपत्ती / धम्मेण धणसमिद्धी, धम्मेण सवित्थरा कित्ती / / 3 / / अह सिवो निवो पिउणो मञ्चकजं किच्चा सोगं च मोत्तूणं नायमग्गेण पुढविं सासिउं विलग्गो / एगया सहासंठिअं नरवई को वि नरो वएइ-राय ! तुव वेरी धीरनरिंदो अहुणा हीरपुरनयरं हंतूणं निग्गच्छित्था / तओ भूवालो तं वेरि जिणिउं भूरिगयतुरगपाइक्कबलसंजुओ नयराओ निग्गंत्तूणं वेरिपुरसमीवम्मि गच्छीअ / सो धीरो रिऊ दूआओ आगयं सिवं भूवं सोच्चा सकोहो जुद्धं काउं नयराओ बाहिरं निग्गच्छित्था / दोसुं सुहडेसुं रणं कुणंतेसु वइरिनरवइणा अहिमुहं समागया सिवनरिंदसेणा जाव भंजिया ताव सिवभूवो नियं बलं भग्गं दळूणं कोहारुणलोयणो उट्ठाय विग्गहं काउं पउत्तो / तओ सिवनरिंदो रणम्मि समुदं पिव वेरिबलं विलोडिऊणं विहगं सिग्धं तं रिउं बंधित्था / धीरसत्तुणो वित्तासिया सव्वे सुहडा दिसो दिसं सूरुदए तमपुंज्जव्व भग्गा / पराभवं पत्तो धीरो राया सिवभूवं नमिऊणं भत्तीए साहित्था-राय ! अहं तुव सेवगो अम्हि, एयं नयरं गिण्हाहि, मम सिरिसुंदरिं पुत्तिं च अंगीकुणाहि, किवं च किच्चा बंधणाओ मं मुंचाहि / सिवभुवई भत्तिभरनिब्भरं तस्स वयणं सोच्चा पसण्णो होऊणं तं बंधणाओ मुंचीअ / वुत्तं च उत्तमाणं पणामंतो, कोवो हवइ निश्चयं / नीयाणं न पणामे वि, कोवो सम्मइ कत्थई / / 4 / / धीरभूवेण पदिण्णं सिरिसुंदरिं कन्नं सो सिवनरवई समहूसवं पाणिगहणेण अंगीकुणित्था / तओ धीरभूवस्स नियं रज्जं अप्पिऊण सिरिसुंदरीए संजुओ सिवो सणियं सणियं सोक्खपुव्वयपयाणेण नियपुरम्मि समागओ / तेण रण्णा गुणालंकारधारिणी सिरिसुन्दरी महिसीपयम्मि ठविया / सा पइदिणं सव्वण्णुणा वुत्तं
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |