Page Text
________________ समावराहचोराणं सिक्खाए कुमारमंतिणो कहा-२८ 69 बीअपुत्तलिगाए कण्णे पक्खित्ता सलागा मुहेण निग्गया, सा एवं कहेइ-"जयंमि केवि सोयारा एआरिसा हुंति, जे उ अप्पहियगरं वयणं सुणंति, अन्नं च उवदिसंति, किंतु सयं धम्मकिच्चेसु न पवटृति, एरिसा सोयारा बीअपुत्तलिगा सरिसा नायव्वा" तओ बीअपुत्तलिगाए मुल्लं मए रूवगमेगं कहिअं 2 / तइअपुत्तलिगाए कण्णे पक्खित्ता सलागा बाहिरं न निग्गया, परंतु हियए ओइण्णा, सा एवं उवदिसइ- “केवि भव्वजीवा मम सरिच्छा हवंति, जे उ परलोगहियगरवयणं उवउत्ता सम्मं सुणेइरे, धम्मकज्जेसु जहसत्तिं पवटुंते, एरिसा सोयारा तइअपुत्तलिगाए समाणा नायव्वा" तओ मए तइअपुत्तलिगाए मुलं लक्खरूवगं ति जाणाविअं 3 / एवं कालीदासस्स वयणं सोच्चा भोयनरिंदो अन्ने वि य पंडिआ संतुट्ठा / सो वइएसिओ पराइओ समाणो तं चंदगलक्खं नरिंदग्गओ ठवेइ / राया तं सव्वं कालीदासस्स अप्पेइ / . उवएसो पुत्तलीतिगदिटुंतं, नचा सन्नाणदायगं / 'धम्मस्सवणकम्ममि, हियएण पवट्टह' / / 2 / / धम्मोवएससवणे पुत्तलिगातिगस्स सत्तावीसइमी कहा समत्ता / / 27 / / , पत्तलीतिर -गुजरभासाकहाए 28 अट्ठावीसइमी समावराहचोराणं सिक्खाए कुमारमंतिणो कहा - - - - - - - - - "जारिसो माणवो होइ, सिक्खणं तस्स तारिसं / " समावराहचोरेसुं, कुमारस्सेह नायगं / / 1 / / पाडलिउत्तनयरे जियसत्तुनरिंदस्स कुमारो नाम चउबुद्धिनिहाणो पहाणो आसि / सो जारिसा अवराहिणो आगच्छंति ताणं परिक्खिअ, तारिसं दंडं देइ / एगया कोट्टवालेण चउरो चोरा कुमारमंतिणो पुरओ ठविआ / कुमारमंती तेसिं बुद्धीए परिक्खं करिऊण दंडं दाहीअ, जहा-पढमचोरस्स उत्तं-"तुं भद्दओ वि होऊण, एरिसं अकजं काउं तुव किं जुत्तं' ?, किं तव एवं सोहेइ ? गच्छसु तुं, मा कयावि एवं कुणेज्जा" इअ वोत्तूण मंतिणा सो विसज्जिओ / बीअं चोरं आहूय मंतिणा सावमाणं परुसक्खरपुरस्सरं वुत्तं-“हे मुरुक्खसेहर ! सुकुलुप्पनेणावि तुमए एरिसं कज्जं कयं, किं ते लज्जा वि नागया ? गच्छसु, मुहं मसीए लिंपसु, मा मुहं पुणो दंसेसु त्ति ? " सो वि विसज्जिओ /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |