________________ 68 पाइअविनाणकहा-१ ICODDA पासेइ, पासित्ता तेसु छिद्देसु तणुगं सलागं पक्खिवेइ, एवं सव्वाओ सलागापक्खेवेण निरूविअ तासिं मुलं पि अंकेइ / तिदिणंते नरिंदसहाए गच्चा निवस्स पुरओ कमेण ताओ ठविऊण तेण वुत्तं-“पढमाए पुत्तलिगाए मुल्लमेगकवड्डिआमेत्तं, बीआए एगं रूवगं, तइआए मुल्लमेगलक्खरूवगमत्थि” / तं मुलं सोच्चा सव्वा सहा अच्छेरमग्गा जाया / वइएसिएण कहिअं-" एएण सञ्चं मुल्लमुत्तं, ममावि तं चिअ अणुमयं” / राइणा कालीदासो पुट्ठो-“तुमए समपमाण-वण्ण-रूवाणं एआसि कहं विसमं मुलं कहिअं" ति ? / कालीदासो कहेइ-हे नरिंद ! मए पढमपुत्तलिगाए मुल्लं कवडिआमेत्तं कहिअं, जओ इमीए कण्णच्छिद्दे सलागा पक्खिविआ, सा बीअकन्नच्छिद्दाओ निग्गया / तओ सा एवं उवदिसेइ-"जयंमि धम्मसोयारा तिविहा उत्ता, पढमो सोयारो एरिसो होइ, जो अप्पहियगरं वयणं सुणेइ, सुणित्ता अवरकण्णाओ निस्सारेइ, न य तयणुसारेण पयट्टेइ / सो सोयारो पढमपुत्तलिगासरिसो णेओ, तस्स किंपि मुलं न, अओ मए पढमसोयारसमपढमपुत्तलिगाए मुलं कवड्डियामेत्तं कहिअं" 1 /
