Page Text
________________ किवणसेट्ठिस्स कहा-२३ 61 हच्चाजायपावं पि तुम्हाणं लग्गिस्सइ” / सो भज्जं कहेइ-'अज्जजाव मए कस्स वि पासे न मग्गिअं, अहुणाहं कत्थ गच्छामि ?, कं पत्थेमि ?" / भज्जा आह-तुम्हे पिउमित्तसिट्ठिघरे गच्छिज्जाह, सो अवस्सं किंपि दाहिइ" / भज्जाए अईवग्गहेण सो नियपिउमित्तसेट्ठिस्स घरे गओ, तया सो सेट्ठी आसणे उववेसिअ आयव्वयनामाइं लिहंतो अत्थि, तं नमित्ता अग्गओ सो उविट्ठो / " एसो धणहीणो संजाओ, तेण किंपि मग्गिउं आगओ, अओ मउणं चिअ सेयं" ति चिंतिऊण सेट्ठि लिहणपरो चिट्ठइ, तेण य सह वत्तालावं पि न करेइ / सेट्ठिपुत्तो चिंतेइ-“अहुणा एसो कज्जाउलो अत्थि, कज्जसमत्तीए मं पुच्छिहिइ" त्ति चिंतिऊण तत्थ चिअ उवविसइ / एवं जामद्धे गए सेट्ठिणा चिंतिअं–“एसो न गमिहिइ, कं पि उवायं करोमि ?" / उवलद्धबुद्धी सो आसणे सुविऊण आसीसपायं अप्पाणं वत्थेण आवरिऊण संठिओ / तया सो सेट्ठिपुत्तो चिंतेइ–“एसो अईव संतो अत्थि, तेण सुत्तो, तओ हं इमस्स पायसंवाहणं करेमि"। तओ सो सेट्ठिस्स पायसंवाहणं करेइ / सेट्ठिणा तया नायं-“मम किंकरो संवाहणं कुणेइ, तया कम्मकरं समुद्दिसिअ सेट्ठी पुच्छेइ-'एसा बला किं गया ?' / तं सुणित्ता सेट्ठिपुत्तो चिंतेइ-एसो किंपि न पुच्छइ, धणं पि न देइ, गालिं तु देइ, तओ अस्स पञ्चुत्तरं पि सम्मं दायव्वं' ति चिंतिऊण सेट्ठिपुत्तो कहेइ-“एसा बला न गया, किंतु तुम्ह गले वग्गिआ, गहणं विना न गच्छेज्जा" / एवं सोच्चा सिग्घं उवविठ्ठो समाणो नियकम्मगराहिवई कहेइ-'किंपि दाऊण एणं निस्सारय निस्सारय' त्ति / तया किंकराहिवई सेट्ठिपुत्तस्स एगं रूवगं दाऊण निक्कासेइ / सो सेट्ठिपुत्तो घरे गंतूण नियभज्जं कहेइ"सुहंमि सहेज्जगेरा जणा बहवो हुंति, दुहमि विरल च्चिय हवंति, तेण मए सेट्ठिवराओ अवमाणसहणेण रूवगमेव लद्धं / उवएसो किविण-सेट्ठिणो नायं, सब्भावेण विवजिअं / नचा 'अणाहदीणेसु, कुणेजा सव्वया दयं' / / 2 / / किवणसेट्ठिस्स तेवीसइमी कहा सम्मत्ता / / 23 / / -सूरीसरमुहाओ
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |