________________ 23 तेवीसइमी किवणसेट्ठिस्स कहा किवणा धणिणो केई, दिज्जा दव्वं कया वि नो / कुज्जा गालिपयाणं तु, जह पुत्तस्स सेट्ठिणो / / 1 / / कम्मि वि नयरे एगो सेट्ठिपुत्तो वरिवट्टइ / भवियव्वयाजोगेण सो अईव निद्धणो जाओ / उत्तमकुलुप्पन्नत्तणेण कस्स वि पासे किंपि न मग्गेइ, तओ तस्स पुत्तावि पुण्णभोयणापत्तीए दुहिआ हुंति / तया पुत्तदुक्खेण दुहिआ भज्जा कहेइ-“हे सामि ! एए पुत्ता भोयणाभावेण मरिस्संति, तुम्हाणं पुत्तदुक्खं पासिऊण किं दया नागच्छइ ? अओ पुत्ताणमुवरि अणुकंपं काऊण कस्स वि पासे गंतूण, किंपि आणेऊण पुत्ते पालेह, अन्नहा ते मरिस्संति, तेसिं -
