Paiavinnankaha Part 01

SR No.: 004268
Original Sutra Author: N/A
Author: Kastursuri, Somchandrasuri
Publisher: Rander Road Jain Sangh
Publication Year: 2005
Total Pages: 224
Language: Hindi, Sanskrit
Classification: Book_Devnagari
File Size: 33 MB

Page 72

निद्धणवणिअस्स कहा-१४ 43 पासित्ता णायं चिब्भडस्स रसबीयाइं इमाइं लग्गाइं संति / भत्तुस्स वि कहिअं-“सामि ! भयभंतेण तए एवं जाणियं 'केण वि अहं पहरिओ, तओ सोणिअं निग्गयं, तत्थ य कीडगा वि समुप्पन्ना, तं न सच्चं' तुं चिब्भडेण पहरिओ सि, तस्स रसो बीयाइं च पिट्ठदेसे लग्गाई" ति / तओ तस्स देहपक्खालणाय सा जलं गहिऊण आगया नियपइस्स देहसुद्धि करेऊण परिहाणवत्थप्पणे ताई चेव वत्थाई अप्पेइ / सो ताइं वत्थाइं पासिऊणं धिट्टत्तणेण कहेइ-हुं हुं मए तयच्चिय तुमं नाया, मए चिंतिअं-'मम भज्जा किं करेइ ? त्ति हं पासामि' तेणाहं भयभंतो इव तत्थ थिओ मए य सव्वावहरणमवेक्खिअं, अन्नह मम पुरओ इत्थीए का सत्ती ? / सा कहेइ-'हे भत्तार ! तव बलं मए तया चेव नायं, गेहेसूरो तुमं असि, अओ अज्जप्पभिइ तुमए मज्झरत्तीए मंजूसं गहिऊण कयावि न आगंतव्वं' ति भज्जाए वयणं सो अंगीकरेइ / उवएसो सुवण्णगारदिटुंतं, नञ्चा लोगा 'जहाबलं / वएज्जा वा सकज्जाइं, पसाहेजा विवेगिणो' / / 2 / / गेहेसूरसुवण्णयारस्स तेरसमी कहा समत्ता / / 13 / / -सूरीसरमुहाओ चउद्दसी निद्धणवणिअस्स कहा - - - - - - - - - - - ------------ 'दव्वं एगारसो पाणो' त्ति णेयं सञ्चमेव तं / सुमिणे वि जओ लोगा, तयटुं सहिरे दुहं / / 1 / / कत्थ वि एगो वणिगो निद्धणो आसि / सो धणत्थं सव्वत्थ भमंतो निब्भग्गो कत्थ वि काणवराडियंपि न लहेइ / 'कत्थ अत्थो लब्भइ' त्ति तिव्वधणपिवासाए एगया रत्तीए सेज्जाए सुत्तो / मज्झरत्तीए अत्थस्स सुमिणं आगयं / तत्थ सो रण्णे मलुस्सग्गत्थं गओ, तत्थ एगस्स रुक्खस्स हिट्ठमि उवविठ्ठो मलं चयंतो हत्थेण भूमि खणेइ, खणंतो तत्थ सुवण्णदीणारभरियं चरुं पासइ, पासित्ता हरिसुम्मत्तो जाओ। तेण चिंतिअं-'अहो मम पुण्णं जागरेइ, जेण इयंतं धणं लद्धं, कहं घरं नेस्सामि' त्ति ? / तया तत्थ एगो जोगी तेण मग्गेण गच्छंतो तं तारिसं उविट्ठ, हत्थेण य भूमि खणंतं दद्रुण पुच्छइ-'किं करेसि ?' सो कहेइ-'तुम्हे मग्गेण गच्छह, कहणेण किं ? / स जोगी चिंतेइ-किमवि कारणं होज्ज, तेणेवं एसो वणिओ बोल्लेइ / तओ सो तत्थ गच्चा पुच्छइ-भूमीए किं अत्थि ? / सो कहेइ-हं न कहेमि / तया सो जोगी गत्ताए उवरि थिए तस्स