________________ 44 पाइअविनाणकहा-१ हत्थे बलाओ दूरीकरिअ देक्खइ तत्थ दीणारभरिअं चरुं देक्खइ वएइ य-हे महाभाग ! तव भग्गं जागरिअं, ममावि एगं दीणाराणं अंजलिं देहि, तव कल्लाणं होही / सो वणिओ कहेइ-'किं तुज्झ पिउसंतिअं एयं अत्थि ?, अहं एगं पि दीणारं न दाहिस्सं, तुब्भ जं रोएज्जा तं कुणिज्जसु ' / जोगी कहेइ-'तुम मम य पिउसंतिअं नत्थि, तुमए पुण्णुदएण लद्धं, मम किंचि दाऊण सव्वं तं गिण्हाहि' / लोहंधो वणिगो तस्स अप्पिउं नेच्छइ / तया सो कहेइ-'जोगी अहं, अगहिऊण कयावि न वञ्चिस्सं' ति कहिऊण तस्स सम्मुहं उवविट्ठो / तयणंतरं तत्थ एगो रायसुहडो तेण मग्गेण गच्छंतो ते दुण्णि तहाथिए पासेइ, पासित्ता कहेइ-'किमेत्थ तुम्हे कुणिज्जा' / तया सो जोगी कहेइ-‘एत्थ भूमीए दीणारभरिओ चरू अत्थि, अणेण सो लद्धो, मए किंचि वि धणं जाइओ एसो न देइ, तेणाहं एत्थ थिओ' / सो रायसुहडो तत्थ आगच्च वणि पुच्छइ-किमेत्थ ? / वणिगो कहेइ-'किमवि एत्थ नत्थि, जोगी असच्चं लवेइ, तुम्हे तुब्भ मग्गेण गच्छह /
