Page Text
________________ 42 पाइअविनाणकहा-१ सो कहेइ-" तुं मम बलं न जाणेसि, तेण एवं बोल्लेसि / मम पुरओ नरसयं पि आगच्छेज्ज, ते किं कुणेज्जा ? ममग्गओ ते किमवि काउंन समत्था / तुमए भयं न कायव्वं " एवं सुणिऊण तीए चिंतिअं- 'गेहेसूरो मम पिओ अस्थि, समए तस्स परिक्खं काहिमि' / एगया सा नियघरसमीववासिणीए खत्तियाणीए-घरे गंतूण कहेइ–'हे पियसहि ! तुं तव भत्तूणो सव्वं वत्थभूसं मज्झं अप्पेहि, मम किंपि पयोयणं अत्थि' / तीए खत्तियाणीए अप्पणो पिअस्स असिसहिअं सिरवेढणकडिपट्टाइसुहडवेसं सव्वं समप्पिअं / सा गहिऊण गेहे गया / जया रत्तीए एगो जामो गओ, तया सा तं सव्वं सुहडवेसं परिहाय, असिं गहिऊण निस्संचारे रायपहंमि निग्गया / पिअस्स हट्टाओ नाइदूरे रुक्खस्स पच्छा अप्पाणं आवरिअ ठिआ / कियंतकाले सो सोण्णारो हट्ट संवरिअ, मंजूसं च हत्थे गहिऊण भयभंतो इओ तओ पासंतो सिग्धं गच्छंतो जाव तस्स रुक्खस्स समीवं आगच्छेइ, ताव पुरिसवेस्रधारिणी सा सहसा नीसरिऊण मउणेण तं निब्भच्छेइ-“हुं हुं सब्वं मुंचेहि, अन्नहा मारइस्सं ' / सो अकम्हा रुंधिओ भएण थरथरंतो मं न मारेसु, मं न मारेसु,' इअ कहितो मंजूसं अप्पेइ / तओ सा सव्वपरिहिअवस्थग्गहणाय करवालग्गं तस्स वच्छंमि ठविऊण सन्नाए वसणाई पि कड्ढावेइ / तया सो परिहिअकडिपट्टयमेत्तो जाओ / तओ सा कडिपट्टयं पि मरणभयं दंसिऊण कड्ढावेइ / सो अहुणा जाओ इव नग्गो जाओ / सा सव्वं गहिऊण घरंमि गया, घरदारं च पिहिऊण अंतो थिआ / सो सुवण्णयारो भएण कंपमाणो मग्गे इओ तओ अवलोएंतो आवणवीहीए गच्छंतो कमेण जया सागवावारिणो हट्टसमीवमागओ, तया केणवि जणेण पक्कचिब्भडं बाहिरं पक्खित्तं, तं तु तस्स सुवण्णयारस्स पिट्ठभागे लग्गिअं / तेण नायं केणावि अहं पहरिओ / पिट्ठदेसं हत्थेण फासेइ, तत्थ चिब्भडस्स रसं बीआई च फासिऊणं विआरेइ-'अहो हं गाढयरपहरिओ म्हि, तेण धाएण सह सोणिअं पि निग्गयं, तम्मज्झे कीडगावि समुप्पन्ना, / एवं अच्चंतभयाउलो तुरिअं तुरिअं गच्छंतो घरद्दारे समागओ / पिहिअं घरद्दारं पासिऊण नियभज्जाए आहवणत्थं उच्चयरेण कहेइ-'हे मयणस्स माया ! दारं उग्घाडेहि, दारं उग्घाडेहि / ' सा अब्भंतरत्थिआ सुणंती वि असुणंतीव किंचि कालं थिआ / अईवक्कोसणे सा आगच्च दारं उग्घाडिअ एवं पुच्छइ-'किं बहुं अक्कोससि ? ' / सो भयभंतो गिहमि पविसिअ भज्जं कहेइ-'दारं सिग्घं पिहाहि, तालगं पि देसु' / तीए सव्वं काऊण पुटुं-'किं एवं नग्गो जाओ ? ' / तेण वुत्तं-'अब्भंतरे अववरगे चल पच्छा मं पुच्छ ' / गिहस्स अंतो अववरए गच्चा निश्चितो जाओ / तीए पुणो वि पुढे-'किं एवं नग्गो आगओ ?' / तेण कहियं चोरेहिं लुटिओ, सव्वं अवहरिअ नग्गो कओ' / सा कहेइ-“पुव्वं मए कहिअं-हे सामि ! तए एवं मज्झरत्तीए मंजूसे गहिऊण न आगंतव्वं, तुमए न मनिअं तेण एवं जायं " / सो कहेइ-'अहं महाबलिट्ठो वि किं करोमि ? ' जइ पंच छ वा चोरा आगया होज्जा, तया ते सव्वे अहं जेउं समत्थो, एए उ सयसो थेणा आगया, तेणाहं तेहिं जुज्झमाणो पराजिओ, सव्वं लुटिऊण नग्गो कओ, पिट्ठदेसे य असिणाहं पहरिओ / पासेसु पिट्ठदेसं, धाएण सह कीडगावि उप्पन्ना / तीए तस्स पिट्ठदेसं
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |