________________ तेरसमी गेहेसूर-सुवण्णयारस्स कहा गेहेसूरा जणा गेहे, नियसामत्थदंसगा। बाहिरे कायरा तत्थ, सुवण्णारनियंसणं / / 1 / / एगंमि गामे सुवण्णयारो वसइ / तस्स रायपहस्स मज्झभागे हट्टिगा विज्जइ / सया मज्झरत्तीए सो सुवण्णभरियं मंजूसं गहिऊणं नियघरंमि आगच्छइ / एगया तस्स भज्जाए चिंतिअं-'एसो मम भत्ता सव्वया मंजूसं गहिऊण मज्झरत्तीए गेहे आगच्छइ, तं न वरं, जओ कयावि मग्गे चोरा मिलेज्जा तया किं होज्जा ? " / तओ तीए नियभत्तारो वुत्तो-“हे-पिअ ! मज्झरत्तीए तुज्झ गिहे आगमणं न सोहणं ति मज्झ भाइ, कया वि को वि मिलेज्जा तया किं होज्जा ?" /
