________________ 40 पाइअविनाणकहा-१ अस्स चंडालस्स पुव्वभवे बहुदव्वगहणेण अप्पो कप्पासो अप्पिओ, तेण एसो रिणमोक्खत्थं अस्स चंडालस्स हत्थे आगओ / अज्ज चंडालो एअं बक्करं गहिऊण रायपहंमि गच्छंतो अहेसि, तया एसो बक्करो अप्पणो हट्टे पुत्तं च निरिक्खिऊण जाइसरणं पाविऊण तुमं सरणमागओ / चंडालेण कयणत्थं कहिएण लोहंधेण तुमए सो न / गहिओ" तेण मए हे नागदत्त ! तइयवारं पि हसि / एवं सोञ्चा-'मए पिआ वि न रक्खिओ त्ति अप्पाणं धी धी करितेण तेण सिग्धं उत्थाय चंडालघेरं गच्छिऊण कहियं-'हे चंडाल ! जहिच्छिअं दव्वं गहिऊण बक्कर मज्झ देसु ' / तेणुत्तं-'सेट्ठि ! सो अहुणा एव हओ, कहं अप्पेमि ? ' एवं सुणित्ता अप्पं निंदतो मुणिवरस्स पासंमि गच्छित्ता पुच्छीअ-मम पिया मरणं पाविअ कं गई गओ? / मुणी कहेइ-“ सरणमागयं पियरं अरक्खमाणं तुमं धिक्कारितो अट्टरोद्दज्झाणेण सो मरणं पाविअ निरयं गओ" / तया नागदत्तो पिउस्स दुग्गइं सोच्चा निरयदुहाओ बीहंतो मुणिं कहेइ-“हे भगवंत ! मं तारय मं तारय, सत्तदिणेणं हं किं करिस्सं ? कहं अप्पाणं तारइस्सं ? हे दयाभंडार ! मम सप्पहं दंसेहि दंसेहिं त्ति"। मुणिवरो आह-" हे नागदत्त ! एगदिवससंजमपालणेण वि भव्वजीवो अवस्सं वेमाणिओ होज्जा, किं पुणो सत्तदिणेण ? " एवं सोञ्चा संसारस्स असारयं भावितो, सत्तक्खेत्तेसु नियदव्वं अप्पित्ता, जिणमंदिरे अट्ठाहिआमहूसवं कारित्ता एयस्स मुणिवरस्स सगासे संजमं गिण्हीअ / अणसणेण सुहेण चत्तारि दिणा गया / पंचमे दिणे तस्स सिरंसि महासूलवेयणा असहेजा जाया / गुरुवरस्स वयणसुहावुट्ठीए समभावेण वेयणं सहतो समाहिणा कालं किच्चा वेमाणियदेवलोगे सोहम्मकप्पे देवत्तणेण समुप्पन्नो / एवं आउसस्स सत्तदिणे सेसे वि संजमं पालिऊण आराहगो नागदत्तो जाओ / उवएसो नागदत्तकहं सोचा, भवरूवपयंसिणिं / 'कामभोगाइ चिञ्चा जएह संजमे वरे ' / / 2 / / भवस्स असारयाए नागदत्तसेट्ठिणो दुवालसमी कहा समत्ता / / 12 / / -सज्झायमालाए
