Page Text
________________ सीलवईए कहा-७ पियस्स पणवीसवासेसु जाएसु वि ‘पंच वासा ' उत्ता, एवं सासूए 'छम्मासा कहिया' / ससुरस्स पुच्छाए सो 'अहुणा न उप्पन्नो अस्थि ' त्ति / एवं वहू-साहूणं वट्टा अंतट्ठिएण ससुरेण सुआ / लद्धभिक्खे साहुंमि गए सो अईव कोहाउलो संजाओ, जओ पुत्तवहू मं उद्दिस्स न जाउ त्ति कहेइ / रुट्ठो सो पुत्तस्स कहणत्थं हटुं गच्छइ / गच्छंतं ससुरं सा वएइ-'भोत्तूणं हे ससुर ! तुं गच्छसु / ' ससुरो कहेइ-'जइ हं न जाओ म्हि, तया कहं भोयणं चव्वेमि-भक्खेमि ' इअ कहिऊणं हटे गओ / पुत्तस्स सव्वं वुत्तंतं कहेइ'तव पत्ती दुरायारा असब्भवयणा अत्थि, अओ तं गिहाओ निक्कासय' / सो पिउणा सह गेहे आगओ / वहुं पुच्छइ-'किं माउपिऊणं अवमाणं कयं ? साहुणा सह वट्टाए किं असच्चमुत्तरं दिण्णं ? / तीऐ उत्तं-'तुम्हे मुणिं पुच्छह सो सव्वं कहिहिइ' / ससुरो उवस्सऐ गंतूण सावमाणं मुणिं पुच्छइ-'हे मुणे ! अज्ज मम गेहे भिक्खत्थं तुम्हे किं आगया ?' / मुणी कहेइ-'तुम्हाणं घरं न जाणामि, तं कुत्थ वससि ?, सेट्ठी वियारेइ / मुणी असच्चं कहेइ ' / पुणरवि पुटुं कस्स वि गेहे बालाए सह वट्टा कया किं ? / मुणी कहेइ-सा बाला जिणमयकुसला, तीए मम वि परिक्खा कया' / तीए हं वुत्तो ‘समयं विणा कहं निग्गओ सि' / मए उत्तरं दिण्णं-समयस्स 'मरणसमयस्स ' नाणं नत्थि, तेण पुव्ववयंमि निग्गओ म्हि / मए वि परिक्खत्थं सव्वेसिं ससुराईणं वासाई पुट्ठाई / तीए सम्मं कहियाइं / - सेट्ठी पुच्छइ-'ससुरो न जाओ इइ तीए कहं कहियं ? / ' मुणिणा उत्तं-'सा चिय पुच्छिज्जउ, जओ विउसीए तीए जहत्थो भावो नज्जइ ' ! ससुरो गेहं गच्चा पुत्तवहुं पुच्छइ-'तीए मुणिस्स पुरओ किमेवं वुत्तं-'मे ससुरो जाओ वि न ' / तीए उत्तं-“हे ससुर ! धम्महीणमणूसस्स माणवभवो पत्तो वि अपत्तो एव, जओ सद्धम्मकिच्चेहिं सहलो भवो न कओ सो मणूसभवो निप्फलो चिय / तओ तुम्ह जीवणं पि धम्महीणं सव्वं गयं" तेण मए कहिअं–'मम ससुरस्स उप्पत्ती एव न / एवं सञ्चत्थनाणे तुट्ठो धम्माभिमुहो जाओ / पुणरवि पुटुं-'तुमए सासूए छम्मासा कहं कहिआ ?' / तीए उत्तं-'सासु पुच्छह' सेट्ठिणा सा पुट्ठा / ताए वि कहिअं-“पुत्तवहूए वयणं सञ्चं, जओ मम जिणधम्मपत्तीए छम्मासा एव जाया, जओ इओ छम्मासाओ पुव्वं कत्थ वि मरणपसंगे अहं गया / तत्थ थीणं विविहगुणदोसवट्टा जाया / एगाए वुड्डाए उत्तं 'नारीणं मज्झे इमीए पुत्तवहू सेट्ठा / जोव्वणवए वि सासूभत्तिपरा धम्मकज्जंमि सएव अपमत्ता, गिहकज्जेसु वि कुसला नन्ना एरिसा ! / इमीए सासू निब्भग्गा, एरिसीए भत्तिवच्छलाए पुत्तवहूए वि धम्मकज्जे पेरिज्जमाणावि धम्मं न कुणेइ, इमं सोऊण वहूगुणरंजिआ हं तीए मुहाओ धम्मं पावित्था / धम्मपत्तीए छम्मासा जाया, तओ पुत्तवहूए छम्मासा कहिया, तं जुत्तं" / पुत्तो वि पुट्ठो, तेण वि उत्तं-"रत्तीए सययधम्मोवएसपराए भज्जाए ‘संसारासारदंसणेण भोगविलासाणं च परिणामदुहदाइत्तणेण, वासानईपूरतुल्लजुव्वणेण य देहस्स खणभंगुरत्तणेण जयंमि धम्मो एव सारुत्ति ' उवदिट्ठो हं जिणधम्माराहगो जाओ, अज्ज पंच वासा जाया / तओ वहुए मं उद्दिस्स पंचवासा कहिया, तं सच्चं " एवं कुटुंबस्स
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |