________________ 28 पाइअविन्नाणकहा-१ एगया ‘संसारो असारो, लच्छी वि असारा, देहोवि विणस्सरो, एगो धम्मो च्चिय परलोगपवन्नाणं जीवाणमाहारुत्ति उवएसदाणेण नियभत्ता जिणिंदधम्मेण वासिओ कओ / एवं सासुमवि कालंतरे बोहेइ / ससुरं पडिबोहिउं सा समयं मग्गेइ / एगया तीए घरे समणगुणगणालंकिओ महव्वई नाणी जोव्वणत्यो एगो साहू भिक्खत्थं समागओ / जोव्वणे वि गहीयवयं संतं दंतं साहुं घरंमि आगयं दट्ठण आहारे विज्जमाणे वि तीए वियारियं-,जोव्वणे महव्वयं महादुल्लहं, कहं एएण एयंमि जोव्वणे गहीयं ? त्ति ' परिक्खत्थं समस्साए पुढे-'अहुणा समओ न संजाओ, किं पुव्वं निग्गया ? ' तीए हिययगयभावं नाऊण साहुणा उत्तं-समयनाणं-'कया मच्चू होस्सइ त्ति' नत्थि, तेण समयं विणा निग्गओ / सा उत्तरं नाऊण तुट्ठा / मुणिणा वि सा पुट्ठा कइ वरिसा तुम्ह संजाया' ? / मुणिस्स पुच्छाभावं नाऊण वीसवासेसु जाएसु वि तीए ‘बारसवासत्ति उत्तं' पुणरवि ‘ते सामिस्स कइ वासा जाय' त्ति ? पुढे / तीए
