________________ पाइअविन्नाणकहा-१ WWM D DYLANDALA अच्छीहिंतो पडंताई मोत्तिआई गिण्हइ / अहुणा उ भाडएण तं परिणेऊण तस्स कोढियपुत्तस्स अप्पिस्सामि, तया सो किवणसेट्ठी मं मोइस्सइ / एसो वि समीवत्थो किवणसेट्ठी रहाओ अवयरणाय सण्णं देइ, अओ हं गच्छिस्सामि' एवं कहिऊण सो मोत्तिअझरो रहाओ ओयरिऊणं अन्नरहमारूढो / तया सेट्ठिस्स सो कोढिओ पुत्तो रहमुववेसिउं समागओ / सीलवई दासीहत्थेण रहे चडंतं तं पाडेइ / पुणरवि चडिउं आगच्छइ, एवं पुणरवि दासी धक्काए तं पाडेइ / सो रुयंतो तत्थ थिओ / किवणसेट्ठी तत्थ आगओ, अन्ने वि जणा आगया, सीलवई कहेइरे 'किं एवं करेसि ?' / सा कहेइ-'न मम एसो कोढिओ भत्ता, मए परिणीओ भत्ता अईव रूववंतो / तओ जइ एसो आगच्छिस्सइ तया अहं निक्कासइस्सं, एवं तेसिं तत्थ वायाजुद्धं जायं / मज्झत्थपुरिसेहिं कहिअं–'एत्थ किं वयणजुद्धेण, जं कायव्वं तं घरंमि कायव्वं,' एवं पहंमि सव्वं सुत्थं संजायं / कमेण नियगामे सव्वे समागया / सीलवईए वसणाय एगो वासो अप्पिओ, तत्थ दासीजुआ सीलवई वसइ /
