Page Text
________________ जिणदासस्स कहा-५ अन्नंमि दिणे पिउप्पेरिओ सो कोढिओ पुत्तो सीलवईए समीवं आगच्छंतो दासीए अवमाणिओ धक्काए नीसरणीए अहो खित्तो / तस्स अंगाई पि चुण्णीकयाई, एवं जया जया सो आगच्छइ, तया तया दासी तं हिटुंमि खिवइ / तेण तओ एवं निण्णओ कओ कया वि एत्थ न आगमिस्सामि, एवं दिणाणि गच्छंति / सा सीलवई कस्सवि वयणं न मन्नेइ / ___ एगया सो किवणसेट्ठी चिंतेइ-'जइ अम्हाणं राया एयं बोहेइ, तया अवस्सं सा मण्णिस्सइ' एवं चिंतिऊण सप्पाहुडो नरिंदग्गओ गंतूणं उवहारं दाऊण नियसव्वं वुत्तं कहेऊण पुत्तवहूबोहणाय पत्थणं कासी / रायमाणणीअत्तणेण निवेण तस्स घरंमि आगमणाय अंगीकयं, उत्तं च -कलंमि दिणे हं आगमिस्सामि' / किवणसेट्ठिणा घरे आगंतूण नियकुडुबिजणस्स पुरओ नरिंदागमणवत्ता कहिआ / बीयदिवसे पहाणपमुहपरिवारजुत्तो नरिंदो किवणसेट्ठिघरे आगओ / सेट्ठिणा तस्स नरिंदस्स सुट्ट सागयं कयं / अब्भंतरे पविसिअ पासायमज्झठवियसीहासणे थिओ नरिंदो ‘परत्थीणं मुहं न दट्ठव्वं' ति वियारेण जवणियब्भंतरे सेट्ठिणो पुत्तवहुं आहूय ठवेइ, ठविऊणं तं कहेइ-“हे पुत्ति ! कुलवहूणं एगो च्चिअ सामी आजम्म होइ, जारिसो तारिसो वि पिओ माणणीओ होज्जा, तस्स अवमाणं कयावि न कायव्वं / तए वि स अप्पणो भत्ता देवो इव आराहणिज्जो” / . * सा सीलवई कहेइ-हे नरिंद ! तुम मज्झ पिउसमो, तेण तुम्हाणमग्गओ अकहणिज्जं किं पि नत्थि, सच्चं कहिस्सं, ममोत्तरं जोग्गं दास्सह, पुव्वं तु पुच्छामि-“इत्थीणं परिणीओ भत्ता होज्जा वा अपरिणीओ भाडगेण गहिओ वा ? " / निवो कहेइ-'सव्वजयपसिद्धं एयं, इत्थीहिं परिणीओ जो स च्चिय भत्ता होइ, नन्नो' / तया सीलवई कहेइ-'मम परिणेया भत्ता किवणसेट्ठिस्स पुत्तो न, किंतु जस्स अच्छीहिंतो मोत्तिआई झरंति, सो चिय मे भत्ता' / नरिंदो तीए मुहाओ मोत्तिअझरणवत्तं सोऊण नियबंधुसंकाए पुच्छइ-'सो कत्थ अहुणा वट्टइ ? ' / तयाणिं किवणसेट्ठी बोल्लेइ-‘एसा मम पुत्तवहू अथिरमणा, जं वा तं वा वएइ, इमीए वयणे वीसासो न कायव्वो' / नरिंदो परुसक्खरेहिं कहेइ-'हे सेट्टि ! तए किंपि न वोत्तव्वं, हं सव्वं जाणामि' / पुणोवि सीलवई पुच्छइ-'हे * पुत्ति / तुं कहेहि, सो अहुणा कत्थ अत्थि ?' / सा कहेइ-“अणेण किवणसेट्ठिणा अस्स पासायस्स उवरिं सत्तममालके मंजूसाए मज्झमि सो मोत्तिअझरगो मोत्तिअलोहाओ पक्खित्तो अत्थि " / एवं सोच्चा नरिंदो सपरिवारो उवरिं गंतूणं मंजूसं उग्घाडिअ नियभायरं पासइ, पासित्ता बाहिरं निक्कासिअ हरिसेण आलिंगेइ, बहुवरिसे नियबंधुस्स संगमाओ सपरिवारस्स नरिंदस्स अपुव्वो अउल्लो अ आणंदो संजाओ, मोत्तिअझरस्सावि, तहेव अकम्हा बंधुमिलणे विसेसओ य / राया लहुबंधुस्स सप्पदट्ठाओ आरब्भ नियसव्ववुत्तंतं कहिऊणं तस्स वुत्तंतं पुच्छइ / तेण अस्स सेट्ठिस्स घरे आगमणाओ आरब्भ सीलवईपरिणयणं जाव वुत्तंतो कहिओ / तओ सो नरिंदो किवणसेट्ठिस्सुवरिं अईव कुद्धो सकुडुंबस्स सेट्ठिस्स वहाय आदिसइ / तया जिणरक्खिएण दक्खिणसीलयाए तग्गिहभुत्तभोयणेण उवयारत्थं नरिंदं पत्थिऊण तं रक्खावेइ / तया रण्णा से सव्वं लच्छि अवहरिअ निविसओ आणत्तो / ___ नरिंदो नियबंधुणा सीलवईए य जुत्तो हत्थिक्खंधमि आरुहिय नियमंदिरे समागओ / बंधुणो संपत्तीए जिणमंदिरेसु अट्ठाहिअमहोसवो कारिओ / एवं तेसिं आणंदेण दिवसा गच्छंति / एक्कं चिअ ताणं दुक्खं, जं दूसहो
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |