Page Text
________________ जिणदासस्स कहा-५ नियबन्धवं निच्चेटुं विसमइअदेहं दट्टणं-किं मम बंधुस्स जायं ?' अहवा सप्पदट्ठो दीसइ / पाणरहियं बन्धु पासित्ता बहुं रोयइ, बोल्लेइ-“दइवेण पुव्वं माइपिउणा सह विओगो कओ, अहुणा बंधुणावि सह, हा ! हा ! किं करोमि ? कत्थ जामि ? कं सरणं गच्छामि ?" एवं सो रोयमाणो किंयतकालं तत्थ थिओ / आसासणदायगो कोवि तस्स नत्थि / अप्पाणं थिरं काऊण चिंतेइ-नियबंधुस्स मयकिञ्चं करेमि, पच्छा अग्गिदाहं काहिमि / समीवे कोवि गामो अत्थि न वा इअ जाणणत्थं रुक्खमारुहिअ चउदिसं पासइ / दाहिणदिसाए समीवत्थं गामं पासेइ। नियबंधुस्स देहं तरुणो साहाए वत्थेण बंधिऊण सो दाहिणदिसाए चलिओ / एगंमि जोयणे गए एगं महानयरमागयं / तंमि सो पविट्ठो / भमंतो एगस्स धणवंतस्स किवणस्स घरंगणे पत्तो / सो सेट्ठी तं जिणरक्खिअं पासित्ता पुच्छइ एत्थ कुओ किमत्थं तुं आगओ सि ? / सो रुयंतो बेइ-"मम जेट्ठो बंधू अरण्णे सप्पेण दट्ठो मओ अत्थि, तस्स मयकिच्चकरणत्थं सामग्गिं गहिउं आगओ म्हि, हे दयालु ! ममुवरिं किवं किच्चा मरणक्कियोवक्खरं मज्झ देहि" त्ति रुयंतो कहेइ / तया तस्स नेत्ताहिंतो मोत्तिआई पडंताई दह्रण मोत्तिअलोहपिसायगहिओ तं सिग्धं गिहतरं नेइ / नियकिंकरं करसण्णाए कहेइ-'एयं उवरितलंमि नएहि' सो किंकरो तं उवरिं नयइ, किवणसेट्ठी पच्छा उवरिं गच्चा तं जिणरक्खिअं बलाओ सत्तमभूमितले नेऊण एगाए मंजूसाए पक्खिवेइ / सो तत्थ थिओ चिंतेइ-“अहुणा किं कज्जं ?, कूरो सेट्ठी दीसइ, मोत्तिअलोहेण हं एत्थ पक्खित्तो, अओ नीसरणं कहं संभवेज्जा ? / मम बंधुस्स मरणकिच्चं कहं काहामि ?" एवं रुयंतो मंजूसाए थिओ अस्थि / किवणसेट्ठी वि पइपहायं तं बाहिरं निक्कासिऊण कसापहारेण ताडित्ता, नेत्ताहिंतो पडंताई मोत्तिआइं गहेइ, तओ साउयरं भोयणं भुंजावित्ता पुणरवि मंजूसाए पूरेइ / एवं तस्स दिणाइं दुक्खेण गच्छंति / एत्थ जिणदत्तस्स किं जायं, तं कहिज्जइ-तंमि रण्णे मज्झण्हकाले गारुलीविज्जाधारिणो केइ गारुलिया तत्थ समागया / मग्गपरिस्समावणयणत्थं तस्स तरुस्स अहमि थिआ / परुप्परं संलावं कुणंतेहिं तेहिं गारुलिएहिं रुक्खस्स साहाए बंधिओ जिणदत्तो पेक्खिओ / तओ उवरिं चडिअ जिणदत्तं अहे अवयारिऊण तं निच्चेटुं पासेइरे / नीलवण्णसंजुयदेहं तं दट्टण निण्णिअं, सप्पदट्ठो एसो / सप्पदट्ठपुरिसो छम्मासं जाव जीवइ / तेण इमस्स गारुलियमंतेण जीवियं देयं, परोवयारेण य अम्हाणं जीवणं पि सहलं होउ त्ति वियारिअ गारुडमतेण सो निव्विसो कओ / खणंतरेण सुत्तो इव जागरिओ संतो समीवत्थिए गारुलिए पासइ, नियबंधुं च न पासेइ / ते पुच्छिआ, मज्झ बंधू कत्थ गओ? / तेहिं उत्तं-'अम्हे अहुणा एत्थ समागया, रुक्खबंधिअं स यदटुं तं दट्टण गारुलमंतेण अम्हेहिं तुं निव्विसो कओ / एत्थ तव बंधू अम्हेहिं न दिट्ठो' / तं सोऊण जिणदत्तेण चिंतिअं-'नूणं मम बंधू मं सप्पदटुं दट्टण रुक्खपसाहाए बंधिऊण कत्थवि गओ होज्जा / कत्थ तं परिमग्गेमि' त्ति ? वियारमग्गं तं गारुलिया पुच्छंति-किं चिंतेसि ? / तेण सव्वो वुत्तंतो कहिओ / तुम्हाणं पच्चुवकरणे हं असमत्थो, किं करोमि ? / तेहिं उत्तं अम्हाणं कावि इच्छा नत्थि / तवोवरिं कओ उवयारो भवंतरे कल्लाणाय होउ त्ति कहित्ता ते गारुलिया इच्छिअमग्गे चलिआ /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |