________________ 18 पाइअविनाणकहा-१ तत्थ संझाए अणेगसावयगणभीसणाए अडवीए कासइ महारुक्खस्स अहमि थिआ वियारन्ति-एयमि रण्णे रत्तिं कहं नेस्सामो ?, समीवत्थो कोवि गामो न दीसइ / तओ एत्थ तरुस्स अहे वसणं वरं / जिणदत्तेण जिणरक्खिओ उत्तो-“अम्हाणं सह सुवणं न जुत्तं, जओ अणेगकूरपाणिगणभीसणा एसा अडवी अस्थि / तओ अहं जग्गिस्सामि, तुं अईव गिलाणो सि, तेण पुव्वं सुविज्जाहि, पच्छा हं सुविस्सामि" / जिणरक्खिओ वएइ ‘हं तुम्ह लहू बन्धु म्हि, तुं मम जिट्ठयरो बन्धवो सि, जेट्ठो बंधू पिउतुल्लदिट्ठीए दंसणीओ, तओ पुव्वं तुम्हे सुवेह, मज्झरत्तीए य तुमं उट्ठाविअ अहं सुविस्सं' / तस्स अईव निब्बंधेण जेट्ठो सुत्तो / लहुबंधू जागरमाणो जिट्ठबंधवं रक्खंतो चिट्ठइ / एगंमि पहरे गए रुक्खस्स बिलाओ एगो भीसणो सप्पो निग्गओ / तत्थ सुत्तं जिणदत्तं डसिऊण बिलंमि पविट्ठो / मज्झरत्तीए जिणरक्खिओ जिणदत्तं जग्गावेइ, सो न उढेइ / तेण चिंतिअं-“गाढनिदाए पडिओ एसो तओ पच्छा जग्गाविस्सामि" एवं तइअपहरे गए पुणरवि उट्ठावेइ, सो नोट्ठइ, ताव पभायं पि जायं / जाए पञ्चूसे
