Page Text
________________ जिणदासस्स कहा-५ 17 लड्डुआ सप्पहावा संति, न उ सामन्ना / एगस्स भक्खणे सत्तदिणंते रज्जं लहेज्ज, अवरस्स भक्खणे जया सो रोवेइ, तया तस्स नेत्ताहिंतो मोत्तिआई झरंति, जओ ओसहिमिस्सिया मोयणा एरिसा पहावसहिया संति, नन्नहा मम वयणं सिया” / तओ ठक्कुरेण ते दुण्णि मोयगा पुत्ताणं भक्खणटुं दिण्णा, भक्खणाणंतरं दुण्णि पुत्ता ताडिया, कस्स वि अच्छीहितो मोत्तिआई न निग्गयाइं / ___ रुठ्ठो ठक्कुरो जिणदासं कहेइ-“तए मम पुत्ताणं ताडणाय एवं कयं, ततो-तव दुण्णि पुत्ते हणिस्सामि", इअ कहिऊण तेण पाढसालाओ जिणदासस्स दुवे पुत्ता बोल्लाविअ वहत्थं चंडालस्स अप्पिआ / कहियं च–'हे चंडाल ! इमे हणिज्जसु, अन्नह तुमंपि हणिस्सामि'। चंडालो जिणदासस्स दुण्णि पुत्ते घेत्तूण वहाइ गओ / जिणदासो वि चिंतेइ-“किं रिसीणं वयणं असञ्चं जायं ? अहवा निब्भग्गयाए मम एवं जायं, किं करोमि ?; मम निमित्तेण पुत्ताणं वहो जाओ, कं सरणं गच्छामि ? दुक्खिअस्स मज्झ धम्मो एव सरणं, जइ सरणरहियस्य मम पुत्ताणं पुण्णं होस्सइ तया सोहणं होही' इच्चाइवियारेण अप्पाणं थिरीकुणंतो पंचपरमिट्ठिमंतं झायंतो गिहे गओ, भज्जाए वि सव्वं कहिअं / सा पुत्तवियोगेण मुच्छिआ, पुणरवि चेयणं पत्ता सेट्ठिणा धम्मोवएसदाणेण आसासिआ / उत्तं च-“जं भाविणो भावा ननहा हुंति, तम्हा सोएण अलं, धम्मपराणं स एव सोहणं होइ" एवं कहिऊण दुण्णि धम्माराहणतल्लिच्छा जाया / - सो चंडालो जिणदासस्स दोण्णि पुत्ते गहित्ता वहट्ठाणे समागओ / पुत्तेहिं जे मोयगा भक्खिया, तेसु भवियव्वयाजोगेण रज्जफलदाइलड्डुओ जिटेण जिणदत्तेण भक्खिओ, अवरो लड्डुओ लहुएण जिणरक्खिएण भक्खिओ / मग्गे गच्छंता ते वियारंति-किं विणावराहेण अम्हे ठक्कुरेण वहत्थं चण्डालाय अप्पिआ / रुयंता दुण्णि गच्छन्ति, तया लहुस्स जिणरक्खिअस्स अच्छीहिंतो मोत्तिआइं गलंति / मोत्तिआई पडताई दट्टण अच्छेरजुत्तो सो नियवत्थे ताइं गिण्हइ / _सो उ चण्डालो ताणं पुत्ताणं कहेइ–“तुम्हाणं वहत्थं ठक्कुरेण हं आदिट्ठो, तुम्हे नियइट्ठदेवं सुमरेह" / जिट्ठो कहेइ-निरवराहाणं मारणेण किं पयोयणं ठक्कुरस्स ?, तस्स कोवि अवराहो न अम्हेहिं कओ ?, रुयंते निरवराहिणो ते दहँण चण्डालस्स वि हिययंमि दया जाया, सो एवं चिंतेइ-“हं पराहीणो आदिट्ठकज्जकरो किं कुणेमि ?, बालगवहपावाओ दुग्गइं गच्छिस्सामि, जइ वहं न करिस्सामि तया ठक्कुरो मं पि हणिस्सइ” / जया घायकरणपउत्तस्स, तस्स असी बालगाणं पुण्णप्पहावेण न चलेइ, तया सो पाउब्भूयदयापरिणामो ताणं कहेइ'तुम्हे जइ मम वयणं अंगीकरिस्सह, तो तुझे न हणिस्सामि' / तेहिं उत्तं किं तं? / चंडालो कहेइ-'इओ सिग्धं जइ गच्छिज्जाह, कयावि य एअस्सिं गामे न आगच्छिज्जाह तो तुम्हे न हणिस्सामि' / तस्स वयणं अंगीकरिअ उवयारत्थं कइवय मोत्तियाई दाऊण ते जिणदत्त-जिणरक्खिया तओ सिग्धं निग्गया अडविं च पत्ता / तया जिणदत्तो सोलसवासिओ, जिणरक्खिओ तेरहवासिओ अहेसि / अडविं गच्छंता ते दोण्णि तओ गामाओ बहुदूरं जाव निग्गया /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |