________________ 16 पाइअविनाणकहा-१ गामठक्कुरस्स देमि त्ति” वियारिअ भज्जं कहेइ-“अज्ज दुण्णि लड्डुए सुगंधजुत्ते निम्मवेहि / तेसु लड्डुएसु इमेसि दुण्हं लयापण्णाणं चुण्णं भिन्न भिन्नं पक्खिवेज्जाहि, जेण ठक्कुरस्स पुत्तदुगस्स दिज्जइरे", एवं कहिऊण लयापण्णाणं चुण्णदुर्ग दाऊणं कज्जत्थं निग्गओ / ALS जिणमईए चिंतिअं-'मम पुत्तेहिं कयावि मोयगा न भक्खिया, तेण पुत्ताणं भक्खणत्थं अहिगं करोमि' त्ति चिंतिऊण चउरो लड्डुआ निम्मविआ / दुण्णि ओसहिसंजुत्ता, दोण्णि य ओसहिविहीणा कया / ओसहिजुत्ता मोयगा नीसरणीए उवरि ठविआ, ओसहिहीणा नीसरणीए अहंमि रक्खिआ, मज्झण्हकाले दुण्णि पुत्ता जया पाढसालाओ सामागया, तया ताणं माया हट्टे कयविक्कयं कुणंती थिआ अस्थि / बुहुक्खिआ ते पुत्ता नीसरणीए उवरिं गया तेहिं दिट्ठा ते लडुआ / तेहिं पुण्णप्पहावेण ओसहिसहियं एगमेगं मोयगं भक्खिऊण गया पाढशालं, तयणंतरं सेट्ठी वि घरे समागओ, कंचि कालं ठिच्चा नीसरणीए अहंमि ठविए दुण्णि मोयगे गहिऊण ठक्कुरस्स अप्पणत्थं गओ / ठक्कुरस्स समीवे गच्चा कहेइ-“सिरिमंतस्स अप्पणत्थं लड्डुअदुगं गहिऊण समागओ म्हि / इमा
