________________ जिणदासस्स कहा-५ मुहाओ जिणदासेण वि वट्टा इमा सुआ / तओ जाए पभाए तरुत्तो उत्तरिअ, तासिं लयाणं पण्णाई धेत्तूणं अप्पीभूयतोयं नई समुत्तरिऊण गेहे समागओ, एगया जिणदासेण चिंतिअं " पुव्वबद्धकम्मवसेण सव्विड्डी मम नट्ठा, पुव्वभवे खंडखंडेण दाणं दिण्णं, तेण एवं संजाय, एण्हि किं करोमि ?, एत्थ गामे जिणिंदमंदिरं पि नत्थि, गुरुणो समागमणं पि नत्थि, तओ कहं सम्मं धम्माराहणं संजायइ ? / तुच्छो इमो गामो, संतपुरिसाणं संगमो वि न लब्भइ", इच्चाई चिंतंतो सेट्ठी जहसतिं दीणाइजणे उद्धरंतो, हिययंमि पंचपरमेट्ठिमंतं झायंतो नियकुटुंबस्सावि धम्ममुवदिसंतो कालं गमेइ / ____एगया सेट्ठी चिंतेइ-“सप्पहावाणं लयापण्णाणं किं किज्जइ ?, किं पुत्ताणं देमि ?, अहवा पुण्णविहीणाणं अम्हाणं तेहिं किं ?, परुवयारत्थं कस्स वि दिज्जइ तया सोहणं / अहुणा मज्झोवरि गामठक्कुरस्स महोवयारो अत्थि, तेण वासाय घरं पि दिण्णं तस्स किवाए हट्टं मंडिय कयविक्कयं कुणंतो हं धणं पि किंचि लहीअ, तम्हा
