Page Text
________________ 14 पाइअविनाणकहा-१ ते उ कट्ठिहारा सेट्ठिस्स पासाओ मोयगचउक्कं अवहरित्ता नयरं पत्ता / निभग्गयाए वियारिअं एएहिं मोयगेहिं कहं निव्वाहो होस्सइ ?, जइ विक्केमो तया सोहणं / जओ बहुदव्वं होस्सइ, तेण पंच छ दिणाणि जाव कुटुंबनिव्वाहो भविस्सइ / एवं वियारिअ कन्दविअस्स हट्टे विक्केउं गया / कन्दविएण सरससुगंधजुत्ते मोयगे दट्ठण रुप्पयगदुगं दाऊण मोयगा गहिया / बीयदिणे धम्मदाससेट्ठिघरे पञ्चूसे बालगा बुभुक्खिआ संजाया / भोयणत्थं सरसं भोज्जं अन्नं न, तओ सेट्ठी कम्मकरं कन्दविअहट्टे पक्कन्नत्थं पेसेइ / सो वि तस्स चिय हट्टे गच्चा सरसं पक्कन्नं मग्गेइ / सो कन्दविओ रुप्पयगदुगेण दुण्णि मोयगे अप्पेइ / सो किंकरो गहिऊण सेट्ठिस्स अप्पेइ / नियमोयगे दट्टण एगो खंडीकओ, मज्झमि रयणमेगं दिटुं, बीओ वि भग्गो, तत्थ वि एगं रयणं लद्धं / रयणदुगं पासित्ता सेट्ठिणा वियारिअं-ते च्चिय मोयगा, जे रयणजुयमोयगा चउरो जिणदासस्स अप्पिआ, कहं कन्दवियपासे समागया ?, कहं दुण्णि ?, किं वा सेट्ठिणा विक्किया ?, तओ निण्णयत्थं पुणरवि किंकरं कहेइ-जावंता मोयगा कन्दविअस्स हट्टे संति, तावंते मोयगे गहिऊण समागंतव्वं / किंकरो तत्थ गंतूण कंदवियस्स पासंमि मग्गेइ'जावंता लडुआ सिया, तावंते सव्वे देहि, जओ सेट्ठिणो रुइया / कंदविओ कहेइ ‘दुण्णि चिय मम पासे संति ?' / तेण गहिऊण सेट्ठिणो अप्पिआ / तम्मज्ञहिंतो वि दुण्णि रयणाई निग्गयाई / सेट्ठिणा चिंतिअं-'कंदविअस्स पासे कहं एए समागया ?' / तन्निण्णयत्थं कंदविओ बोल्लाविओ पुट्ठो य / तेण कहियं-'मए निम्मविया' / सक्कोहं पुट्ठो-'सच्चं निवेएसु, अन्नहा दंडिस्सं' / तया सच्चमुत्तं कट्ठिहाराहिंतो गहिया / तओ सेट्ठिणा किंकरमहत्तमं पेसिअ ते कट्ठिहारा आहूया / किंचि भयं दंसिऊणं पुट्ठा, तेहिं सञ्चं कहिअं-'कंपि वाणिअं लुटिऊण गहिय' त्ति / सेट्ठिणा चिंतिअं 'तेण जिणदासेण मोयगग्गहणे निसिद्धे वि मए बलाओ दिण्णा, तेण तस्स महप्पस्स दुहदाणनिमित्तं हं जाओ' / किं करोमि ? / तंमि विहाया रुट्ठो अस्थि, तेण दइवविवरीए अणुकूलं पि विवरीयं जायई / अलं चिंताए / जं भावि तमवस्सं होही, इअ चितंतो निञ्चितो जाओ / ठक्कुरस्स गामे वसंतो सेट्टी जिणदासो एगया वासासु गामंतरे गओ / संझाए पच्छा वलंतस्स तस्स मग्गे नई आगच्छइ, जलपूरभरिअनइं उत्तरिउं अचयंतो राईए नइतडत्थिअं रुक्खमारूढो / तत्थ भारंडपक्खिणो निवसंति / ते केरिसा ? एगोयरा पिहग्गिवा, तिपया मञ्चभासियो / भारंडपक्खिणो तेसिं, मिई भिन्नफलेच्छणे / / 2 / / तत्थ एगो बालभारंडो नियपियरं पुच्छइ हे पिअ ! अज्ज किंपि अपुव्वं कहं कहिज्जसु ? / वुड्भारंडेण वुत्तं-हे पुत्त ! बहुवरिसाओ पुव्वं एत्थ केई मुणिणो समागया / इमस्स रुक्खस्स हेलुम्मि राईए थिआणं तेसिं विविहजोगदव्ववत्ताओ जायाओ / एगेण मुणिणा कहियं-"जयंमि रयणमणिमंतोसहीणं पहावो दीसइ / तत्थ ओसहिप्पभावदसणत्थं उत्तं-एअस्स तरुस्स हेट्ठम्मि जा दुण्णि लयाओ निग्गयाओ, ताणं अचिंतप्पभावो अत्थि / एगलयापण्णभक्खणेण अच्छीहिंतो जया अंसूणि पडंति, तया ताई मुत्तिआई जायंति / बीयलयापण्णभक्खणेण सत्तदिणमज्झे तस्स रज्जं संभवेज्जा / एवं इमाओ लयाओ पहावसहिया हवंति," इच्चाइकहं कुणंताणं भारंडपक्खीणं
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |