________________ जिणदासस्स कहा-५ विमलपुरीओ केइ कट्ठिहारा कट्ठनिमित्तं रण्णे गया / तत्थ संजायवुट्ठीए कट्ठाइं अलहमाणा ते कट्ठिहारा चिंतिंति ‘अज्ज किं भक्खिस्सामो, कुडुंबमवि कहं पोसिस्सामो' ? अओ अज्ज लुंटणपयोगेण जीवणनिव्वाहं करिस्सामो, एवं चिंतयंताणं ताणं मग्गे जिणदासो मिलिओ, पुट्ठो य रे ! तुम्हे पासे कि अत्थि ? सच्चं बोल्लेहि ?, . अन्नहं तं पहरिस्सामो / तेण चिंतिअं-निभग्गस्स मम मोयगगहणस्स पहावो केरिसो ? तम्हा अप्पणमेव सेयं / तओ तेण सञ्चं कट्ठिहाराणं उत्तं-मम पासे मोयागचउक्कं अत्थि, अन्नं किंपि न, तेहिं सव्वे मोयगा गहीआ / जिणदासो अग्गे गच्छइ / मग्गे फलेहिं निव्वहंतो कम्मिवि ठक्कुरगामे आगच्छइ / तत्थ नियवासजोग्गठाणं दह्रण गामठक्कुरस्साएसं लहित्ता वासं करिंसु, एगं च हट्टिगं मंडिऊण घय-तिल्ल-लोट्टाइविक्कयववहारेण सो ववहरइ / जया समीवगामेसु विक्कयत्थं गच्छइ, तया हट्टं भज्जा चलावेइ / ते दुण्णि बाला तत्थ गामे पाढसालाए पढणत्थं गच्छंति, एवं ताणं कइपयदिणाई निव्विग्घेण गच्छंति /
