Paiavinnankaha Part 01

SR No.: 004268
Original Sutra Author: N/A
Author: Kastursuri, Somchandrasuri
Publisher: Rander Road Jain Sangh
Publication Year: 2005
Total Pages: 224
Language: Hindi, Sanskrit
Classification: Book_Devnagari
File Size: 33 MB

Page 159

130 पाइअविनाणकहा-१ सक्कारारिहा चेव' / तओ विउसे कहेइ-तुम्हाणं जं इटुं, तं मग्गेह, एवं कहित्ता बहुधणं ताणं दाविऊण विसज्जेइ। पच्छा नरिंदेण मक्कडाओ अप्परक्खणं चत्तं ति / एवं विउसा चोरिक्कं कुणंता वि परबाहं चयंति / / उवएसो सोञ्या विउससिट्ठाणं, चरियं जणबोहगं / 'सया हिए पयट्टेज्जा, संतोसं माणसे धरे' / / 2 / / चोरिक्कविसए दुण्हं विउसाणं अडयालीसइमी कहा समत्ता / / 48 / / -भोयनरिंदकहाए 49 एगूणपण्णासइमी रमणीए पराभूअसिकंदरस्स कहा दुग्गइद्दारभूयाए, रमणीए जिओ न को ? / जगजयणसीलो वि, राया सिकंदरो जहा / / 1 / / दुसहस्सवासाओ पुव्वं गीसविसए साहसिओ महासूरो सिकंदरो नाम महाराया आसि / बालत्तणओ आरब्भ तस्स अज्झावगो रायनीइवियक्खणो सम्मग्गदंसगो 'ओरिस्टोटलो' नाम असाहारणो विउसवरो गुरू अहेसि / सो सिकंदरो सया गुरुसेवापरो आणाए वट्टमाणो जोव्वणे वि चत्तकामभोगाहिलासो परंगणास दिद्धिं पि अकुणंतो, केवलं जस-कित्ति-विजयकंखिरो गुरुणो पहावेण अणेगदेसविजयं कासी / वीसपसिद्धो सो एगया सव्वदिसाविजयं काउं इच्छंतो पबलसेणापरिवरिओ गुरुणा सह नियनयराओ निग्गओ / मग्गे खुहा-पिवासापरिस्समं अगणंतो पबलूसाहजुओ दूसहेज्जनरिंदवगं जयंतो कमेण इराणदेसे समागओ, तत्थ काओ वि महानयराओ बाहिरं सिबिरं ठविअ सयं उज्जाणमज्झे भव्वपासाए ठिओ / एगया आसारूढो सो गिरिसिहरमालालंकियविविहपएससोहं निरिक्खंतो अग्गओ गच्छमाणो नियरूवनिज्जिअदेवंगणं महरिसीणं पि चित्तक्खोहकारिणिं एगं सुंदरिं पासेइ / सा अञ्चब्भुयरूवा सुंदरी तं ससिणेहनयणकडक्खेहि ताडित्ता कामविसयविसमुच्छियं करेइ / सो वि कामग्गहगसिओ तं चिय पासेमाणो सबलो वि विमूढमणो अग्गओ गंतुं असमत्थो तत्थच्चिय निञ्चलो ठिओ / सा बाला तं विमोहित्ता नियट्ठाणे गया / समीववट्टिणा गुरुणा सव्वा एव तस्स चेट्ठा निरिक्खिआ / सो वि नरिंदो गुरुं दट्ठण जायक्खोहो पुणरवि सावहाणचित्तो संजाओ / एगया नियपबलसेणामज्झे उवविठ्ठो सो सिकंदरो मंति-सेणावइपमुहसुहडवराणं अग्गओ नियपरक्कमवत्तं कहेइ, तम्मि य काले तस्स गुरू तत्थ समागंतूण सहासमक्खं तं अवहेलेइ-'जं विजइक्करसियाणं पुरिसाणं इत्थीरूवावलोगणं