________________ रमणीए पराभूअसिकंदरस्स कहा-४९ 131 पि भयंकर, जाओ दंसणमेत्ताओ वीरियं हणेइरे, हलाहलमिव कजं कुणंति / वीरपुरिसाणं नरिंदाणं च नरगदुवारसमा ता सत्थेसु गणिआ, तासिं सुंदेरं पि विसमविसाओ वि महाभयजणगं' एवं अवहेलित्ता नियावासे गओ / सो महानरिंदो बालत्तणाओ गुरुस्स उवगारं सुमरंतो सहासमक्खं एवं निंदिओ गरिहिओ वि मउणेण अहोदिहिँ काऊण सव्वं सहेइ / किंतु मणंमि अच्चंतदूमिओ विविहविगप्पे कुणंतो कियंतकालं तत्थेव ठाऊण सहं विसज्जित्ता नियपासाए आगओ / तत्थ वि खणं दिट्ठसुंदरीए सुंदरयं, खणं अप्पणो निब्बलयं, खणं गुरुणो दढिमं वियारंतो एवं निण्णयं करेइ-'कया वि तीए रमणीए मुहं न पासेमि' त्ति नियचित्तं थिरीकरेइ / तह वि अणाइकालमोहब्भासेण इंदियाणं च पबलत्तणेण निब्बलस्स तस्स चित्ते सच्चिय रमणी आगच्छइ / तया सो तं चिय रमणीरूवं झायंतो विम्हरियनियकज्जो सहसा नियमासरयणं आरोहित्ता तीए सुंदरीए घरंमि समुवागओ / सा वि सिकंदरं पासित्ता अञ्चंतहरिसियचित्ता तं सक्कारेइ सम्माणेइ अ /
