Page Text
________________ 124 पाइअविनाणकहा-१ तेयंसी रूववंतो को पुरिसो' ? / सा वएइ–'अयं रयणसंचयानयरीए सामी दीणवच्छलो दाणी धम्मिट्ठो पयावालो नाम राया अत्थि', एवं आलावं कुणंतीणं तासिं आहीरीणं समीवं आसं कीलावंतो नरिंदो समागओ / नरिंदस्स सिग्घयरागमणेणं भयभंताओ ताओ आहीरीओ इओ तओ नासिउं पउत्ताओ, तया तासिं परुप्परसंघरिसेण सिरेहिंतो दहिघडा य पडिया भग्गा य / तया सच्चवईए मत्थयत्थो दहिघडो वि पडिओ फुडियो य / . ___अन्ना आहीरीओ नियनियमाइपिउपियाणं भएण रुयमाणीओ चिट्ठन्ति, सा सञ्चवई दहिघडे भग्गे वि हसेइ। तया नरिंदो ताओ रूयंतीओ, तं च सच्चवई हसंतिं पेक्खित्ता जायविम्हओ चिंतेइ, नियनियदव्वविणासाओ 'थीणं रोयणं बलं' ति नाएण रोयणं उइयं, परंतु एसा रूववई इत्थी नियदव्वहाणीए वि हसेइ, एत्थ किं पि कारणं संभवेज्जा ? अन्नं च वेसेणं एसा आहीरी वि आगिईए रूवेण य उच्चकुलुप्पन्ना इव लक्खिज्जइ इइ वियारंतो पयावालनरिंदो तं सच्चवई पुच्छइ-हे 'धम्मबहिणि ! किं किं तुव पियरस्स माऊए य नाम ?, कहिं गामे तुम्ह उप्पत्ती ?, कस्स तुमं पुत्तवह असि ?, तह दव्वहाणीए वि तुमं किं हससि ?, लज्जं विहाय भाउतुल्लस्स मम अग्गओ निवेएज्जाहि / सञ्चवई नरिंदस्स अईव पडिबंधवसेण तस्स पुरओ नियसव्व-अप्पकहं कहिऊणं हे नरवर ! बहूई दुक्खाई, सोढाइं, एत्थ दहिघडविणासरूव-अप्पहाणीए कहं दुक्खं सिया 'कम्मुणा जं जं किज्जइ, तं तं हरिसेण सहियव्वं' किं विसाएणं ति कहित्ता सोगभयजुत्ता संजाया / पयावालनरिंदो सोयाराणं पि दुक्खजणगं तीए वुत्तंतं सोच्चा संति संपायणत्थं कहेइ-'बहिणि ! तुं पसंसारिहा सि जं तुमए विविहविवत्तिसहणेणावि पाणंते वि सीलं पालियं, तुव किल जणणी वि धण्णा अस्थि, जा एवंविहं पुत्तिरयणं पसूआ / सईए उवरिं कुदिढिकरणेण तेण चंदसेणनरवइणा कडुयं फलं पत्तं / परदाराहिलासिणो रावणस्स व्व कुओ सुहं होज्जा ? / हे बहिणि ! तव सीलप्पहावेण सव्वे विग्घा उवसंता, अहुणा ममोवरिं धम्मबंधवनेहं किच्चा मए सह रायपासाए समागच्छसु, तत्थ देवगुरुधम्माराहणेण सुपत्तदाणेण दीण-दुहिया-णाहाईणं च उद्धारकरणेण समयं नएज्जा' / एयं सोच्चा सा वएइ ‘संपयं हं अवसि कालं धम्मपरा जिणिंदाणं पूआए गुरूवएससवणेण य सामाइयाइधम्मकिच्चकरणेण य साहुणीगणुवासणाए य नेउं इच्छामि' / 'तुम्ह धम्माराहणसव्वसामग्गिं हं पूरिस्सामि' त्ति वयंतेण बंधूभूएण नरवइणा सह समागंतुं इच्छा तीए दंसिया / पयावालनरिंदेण जासिं आहीरीणं दहिदुद्धाणं हाणी जाया, तासिं सव्वासिं दव् समप्पाविअं / अन्नं च तीए पालगाहीरवरं बोल्लाविऊण जहारिहसक्कारं काऊणं, तस्स अणुण्णं घेत्तूणं सच्चवईए सह निय पासाए समागओ / अंतेउरइत्थीणं पि तीए सव्ववुत्तंतं कहित्ता जाणाविअं-तुम्हेहिं एईए ममेव भत्ती कायव्वा, इमीए वयणं कयावि न उल्लंघियव्वं, जओ एसा मए धम्मबहिणित्तणेण ठविया अस्थि / ताओ अंतेउरजुवईओ वि नियभत्तारवयणं तहत्ति कहिऊण अंगीकुणंति / __ अंतेउरंमि ठिआ सञ्चवई अंतेउरनिवासिणं इत्थीणं सया सीलव्वयप्पहाणधम्मुवएसदाणेण सव्वं पि अंतेउरीवग्गं जिणिंदधम्मे थिरीकरेइ / एवं सया जिणीसरसासणं पहावंती सुहेण कालं गमेइ / एगया तत्थ नयरीए अणेगसमणीगणपरिवरिया सुव्वया नाम साहुणीमहत्तरा पवत्तिणी गामाणुगामं विहरमाणा समागया / सञ्चवईए दिण्णवसहीए सा महत्तरा संठिआ / अंतेउरीसहिओ पयावालनरिंदो धम्मसवणत्थं तत्थ आगओ / सा महत्तरी सुव्वया अवसरुइअं धम्मुवएसं देइ
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |