Page Text
________________ सीलपालणंमि सच्चवईए कहा-४६ 111 सोच्चा आसु रुट्ठा सा कहेइ-हे मुरुक्ख ! एत्तियं पि तुमं न जाणेसि, जं सई इत्थी नियभत्तारं विणा मणसावि देवकुमारसरिसरूवं पि अन्नं न चिंतेइ / मम भत्ता जलाणयणत्थं गओ, तत्तो इओ सिग्घं अवसरसु, पाणंतं वि सीलभंगं न करोमि त्ति वयंती पिवासिआ सीलभंगभयाओ सा मुच्छिया / सो रायपुरिसो तहावत्थं तं दट्टणं चिंतेइ'तिव्वपिवासाबाहिआ एसा पाणे चइस्सइ, तओ जलं पावेमि' एवं चिंतिऊण आसाओ उत्तरित्ता चम्मदिइत्थिअजलं पावेइ / खणंतरेण सा सुद्धि पत्ता तं कहेइ-'दुट्ठपुरिस ! जलपाणेणावि ममोवरिं केवलं अवयारुच्चिय कओ, एत्तो मे मरणमेव वरं / ____ सो वएइ-'तुं मं न जाणेसि, तेण एवं वएसि, अहं तु इओ बारसजोयणदूरत्थियाए चंदावईनयरीए पहू खत्तियवरो सत्तुदलदलणपक्कलो चंदसेणो नाम नरिंदो म्हि / जइ तुमं मम वयणं मण्णेसि, तया अन्नरण्णीओ वि मं पिव तुमं सेविस्संते, अण्णह बला वि तं हरिस्सं' / सा वएइ-'जहत्थो तुमं पयापालो नत्थि, किं तु पयाभक्खओ असि, जेण एरिसं अजुत्तं वएसि, एवं वयंतस्स तुम्ह जीहा कहं सहस्सखंडिआ न जाया ?, वियारदिट्ठीए पासंतस्स तव नयणाइं किं न पडियाइं ?, किल तुमं न रायस्स पुत्तो, किंतु कुसीलपुरिसस्स पुत्तो' इच्चाइ वयंति तं कुद्धो सो नरिंदो उप्पाडिऊण आसे ठवित्ता नियनयरं पइ सिग्घयरं निग्गओ / __तीए पुत्तो निराहारो रुयंतो तत्थ वट्टइ / सव्वत्थ पुण्णं चिय जणाणं रक्खगमत्थि / बालगस्स पुण्णप्पहावेण तयणंतरं तेण मग्गेण को वि नवलक्खदव्वसामित्तणेण नवलक्खो नाम वणज्झारो सपरिवारो गच्छंतो आसि / अरण्णे बालगस्स रोयणं सोच्चा सद्दाणुसारेण सो तत्थ आगओ / तरुस्स मूले बालगं दट्ठणं तेण चिंतिअं-'एत्थ को वि मणूसो न दीसइ, तेण नज्जइ को वि निट्ठरो पुरिसो एवं बालगं चइत्ता कत्थ वि गओ होज्जा' / तओ बालगं घेत्तूणं अपुत्ताए लच्छीनामाए नियपियाए सो दिण्णो / अवच्चरहिया सा वि रूववंतं मणोहरं बालगं गहिऊण पुत्तमिव पालेइ / तत्थ पालिजंतो सो बालगो ते च्चिय मायापियरे मन्नेइ / मायापियरेहिं तस्स बालगस्स 'सुगराय' त्ति नामं ठवियं / कमेण वणझारबालगेहिं सह विज्जा-कलाओ अब्भस्संतो, अणेगगामनयरेसु भेमंतो, विविहच्छेराइं पासंतो, मायापिउणोचित्ताई पमोयंतो सुहंसुहेण वडतो कालं गमेइ / इओ अ सच्चवईए भत्ता जलाणयणत्थं गओ सो दक्खिणदिसाए दूरं गंतूण तत्थ एगं सुंदरं सरोवरं विविहवरतरुवृंदमंडियं पासइ, पासित्ता जलं पिवेइ, पहाइ य, संतपरिस्समो भज्जापुत्ताणमत्थं जलं गहित्ता तुण्णं तत्थ पएसे समागओ / तत्थ पियं पुत्तं च अपेक्खित्ता चउसु दिसासु भमंतो कत्थ वि ताणं सुद्धिं अलहमाणो विविहसंकप्पविकप्पं च कुणंतो अट्टज्झाणोवगयचित्तो पिया पिय त्ति विलवमाणो, तन्नेहमूढमणो विमूढचित्तो सो गहिलो जाओ / चित्तभमेण सो कया रुयंतो, कया हसंतो, कया जं वा तं वा वयंतो तत्थ रणे भमंतो कया भुंजंतो कया अभुंजतो कालं जावेइ / कमेण भज्जा पुत्तसोहणत्थं गामनयरमडमाणस्स तस्स बारस मासा वइक्कंता तह वि ताण सुद्धी न पत्ता / / इओ य सा सञ्चवई चंदसेणनरिंदं पइ बोल्लेइ-'बलाओ मम हरणेण तुम्ह किं पि कजं न सिज्झिस्सइ, जओ हं सीलवई नारी अम्हि / पाणंते वि सीलं न चइस्सामि / तओ मं नेऊण किं काहिसि' ? / परदाररया जणा इह लोए न सेयं पावेइरे, परलोए रावणव्व निरए दुक्खपरंपराओ अणुभवंति / अओ ममोवरि किवं किच्चा
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |