________________ 110 पाइअविनाणकहा-१ विविहसंकप्पवसओ मग्गपरिस्समाओ य सीयलवाउणा निद्दमुवागया / तया सा सिविणंमि ‘एगो वीरपुरिसो बलाओ मं अवहरित्ता गच्छइ' त्ति पासेइ / सहसा जग्गिआ सा सुमिणस्स फलं वियारेइ-न जाणामि किं अग्गे एयस्स दुसुमिणस्स फलं भविस्सइ ? , किं भत्तुणो पुत्तस्स य विओगो होही ? / हे भयवं ! दीणवच्छल ! असरणसरण ! अणाहणाह ! किवालु ! पहु ! मम सीलं रक्खेज्जा, मम भत्तुणा पुत्तेण य सह विओगं मा कयावि कारिज्जसु' इच्चाइ झायंती सा दूराओ आगच्छंतं कंपि आसारूढं नरं पासइ, चिंतेइ-'वेसविभूसाए एसो को वि रायपुरिसो अत्थि ' / सो य पुरिसो एगागिणिं तं पासित्ता तीए समीवं समागओ / रूववइं तं दद्दूण कामग्गहगसिओ तं कहेइ'हे सुंदरि ! तुं का सि ?, कुओ आगया ?, किं एगागिणी एत्थ थिआ ?, अज्ज किलाहं कयत्थो जाओ, जेण मम बहवो रम्मरमणीओ संति, किंतु तुम्हसारिसी एगा वि नत्थि, तेण तुमं गहिऊण महिसीपए ठविस्सामि' / एवं ali
