Page Text
________________ पाइअविन्नाणकहा-१ एगया विसमीसालियं तंबूलं वरदत्तस्स सो देइ, तया चउव्विहाहारपञ्चक्खाणत्तणेण तं ऊसीसगे ठवेइ / पञ्चूसकाले वरदत्तसेट्ठी जिणालए चेइअवदंणत्थं गओ / तया वरदत्तस्स भज्जाए तत्थ समागयस्स दासीपुत्तस्स- हे दिअर ! एयं तंबूलं तुमं गिण्हहेसु' त्ति कहिऊण दिण्णं / सो वि तीए महुररवंमि लुद्धो मूढो तं भक्खिऊण मरणं पाविऊण सवलिआ एसा जाया / / ___दासीपुत्तं मयं जाणित्ता वेरग्गरंजियमणो वरदत्तसेट्ठी सत्तखेत्तेसु धणं वावरिऊण पव्वइओ, सो हं जाणियव्यो / तया सा सवलिआ मुणिवरमुहाओ तं वुत्तं सोच्चा, जाईसरणं पावित्ता मुणीसरचरणग्गे समागच्छित्ता, वंदित्ता नियावराहं खमावित्ता, अणसणं किच्चा सग्गं पत्ता / नयराहिवो पउरजणा य एयं सुणिऊण पासित्ता य जिणीसराणं दयामइअं सुद्धधम्मं ससम्मत्तं पत्ता / उवएसो सुंदरीवरदत्ताणं, नचा बोहप्पयं कहं / जइ 'सुहत्थिणो तुम्हे, पराणिटुं न चिंतह' / / 2 / / परासहचिंतणो सुंदरीए अडतीसइमी कहा समत्ता / / 38 // -उववएसपयाओ (39 एगूणचालीसइमी उज्जमस्स पहाणत्तणम्मि ___ विउसवरदुगस्स कहा - - - - - - - - - - - - - - - - - - - सट्ठाणंमि वरा नेआ, कालाई पंच हेउणो / सव्वेसिं उज्जमो सेट्ठो, विउसा दोण्णि नायगं / / 1 / / एगया भोयनरिंदस्स सहाए दुण्णि विउसा समागया, तेसु एगो नियइवाई-'जं भावी तं नन्नहा होइ अओ सो उज्जमं विणा भावि चिय मन्नेइ / अन्नो पंडिओ-'उज्जममेव फलदाणे पमाणेइ,' जओ अलसा कं पि फलं न लहंति, जओ वुत्तं उज्जमेण हि सिझंति, कज्जाइं, न पमाइणो / न हि सुत्तस्स सिंघस्स, पविसंति मुहे मिगा / / 2 / / एवं बीओ उज्जमेण फलवाई अस्थि / भोयनरिंदेण ते दोवि आगमणपओयणं पुट्ठा, ते कहिंति'विवायनिण्णयत्थं तुम्हाणमंतिए अम्हे आगया ' / रण्णा वुत्तं–'तुम्हाणं जो विवाओ अत्थि तं कहेह'! तया ते दुण्णि वि नियं मयं जुत्तिपुरस्सरं निवइणो पुरओ ठवेइरे / राया विआरेइ–'एत्थ किं परमत्थओ सञ्चं ?, तं च कहं जाणिज्जइ' तया निण्णेउमसमत्थो कालीदासपंडिअं पुच्छइ–'एएसिं नाओ कहं किज्जइ ? किं वा उत्तरं दिज्जइ ?' H al
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |