________________ परासुहचिंतणे सुंदरीए कहा-३८ 91 एंगया गुरुत्तो आणं गहिऊण एगागी एगंमि वणे काउस्सग्गेण संठिओ / सा सुंदरी वि-परस्स चिंतिअं जंतु, अप्पणो तं जायइ धुवं' ति नाएण सप्पदट्ठा मरिऊण तंमि वणंमि सिंघो जाओ तं मुणिं दट्टण पुव्वभवब्भासाओ मुणिंमि रुट्ठो तं वहीअ / सुहभावेण सो धण्णमुणी बारसमे अच्चुअदेवलोगे देवत्तणेण समुप्पणो / कमेण सो सिंघो मरिऊण चउत्थे नरगे समुप्पणो / सो धण्णजीवो देवो ताओ देवलोगाओ चविऊण चंपानयरीए दत्तसेट्ठिस्स घरंमि तब्भज्जाए पुत्तत्तणेण वरदत्तो नाम समुप्पण्णो / सो पुव्वभवब्भासाओ सम्मदिट्ठी दयावंतो आसि / सुंदरीजीवो चउत्थीए नरगाओ निग्गच्छित्ता अणेगं भवं भमिऊण वरदत्तस्स घरंमि दासीए पुत्तो संभूओ / पुव्वभवदोसाओ वरदत्तंमि पओसं धरंतो वि तस्स सिणेहसंपायणत्थं तेण सह धम्मं पि कुणेइ / तेण वरदत्तो वि तं दासीपुत्तं बंधुत्तणेण मन्नेइ / लोगंमि सेट्ठिभायरो त्ति पसिद्धो जाओ / सो वि दासीपुत्तो तस्स वहोवायं सइ चिंतेइ। WWW WI N
