Page Text
________________ पुण्ण-पावाणं चउभंगीए मंतिपुत्तीए कहा-३६ उवएसो चारित्तधम्मसंसत्त-जस-सुजसनायगं / नाऊण 'सव्वकज्जाइं, अणासत्तो सुसाहए' / / 3 / / अणासत्तजोगम्मि जस-सुजसाणं पणतीसइमी कहा समत्ता / / 35 / / -उवएसपयाओ 36 छत्तीसइमी पुण्ण-पावाणं चउभंगीए मंतिपुत्तीए कहा - - सरूवं पुण्णपावाणं, सक्खं लोगम्मि दीसइ / एत्थ नरिंदपण्हेसु, मंतिपुत्ती निदंसणं / / 1 / / रायपुरनयरे विक्कमसूरो नाम नरिंदो आसि / एगया अणेगमंति-पंडिय-नयरसेट्ठिवरविहूसिआए सहाए उवविठ्ठो नरिंदो सहाजणाणमग्गओ मइपरिक्खत्थं पुच्छइ-'जयंमि अत्थिअत्थीणं, अत्थिनत्थीणं, नत्थिअत्थीणं, नत्थीनत्थीणं च केरिसं वत्थु सिया ?, एसिं पञ्चक्खमुत्तरं दिज्जाह / सव्वे सहाजणा वियारंति-'एयारिसं किं होज्जा'?। विउसेहिं पि तस्सत्थो नावगओ / अन्ने वि जे के वि सहाए संति, ते सव्वे वि उत्तरं दाउं असमत्था जाया। तया कुद्धो नरिंदो सतिरक्कारं कहेइ-एरिसीए महासहाए ममुत्तरं दाउं कोवि जणो न चएज्जा, इयंतं कालं धणधन्नाईहिं विउसाणं पि पोसणं किं मुहह जायं ?, धिरत्थु एयाणं पंडियाणं' / एवं कहिऊण बुद्धिनिहाणमहामंतिं कहेइ-'हे मंतिवर ! तुमए इमस्स पण्हस्स उत्तरं दिप्पत्तएण दायव्वं, अन्नह तं दंडिस्सं, मंतिपयभट्ठो य होहिसि / विसज्जिआ सहा / चिंताए अक्कंतो सो मंतिवरो घरंमि गओ / उत्तरदाणचिंताइ तस्स भोयणं पि न रुच्चइ / जया भोयणसमए संजाए वि सो नागओ तया तस्स विउसी पुत्ती चंदकंता जा अट्ठवासिआ अत्थि, सा पिउस्स समीवमागंतूण कहेइ-'हे पिअर ! बुहुक्खिआ हं, तओ सिग्धं भोयणाय आगच्छेहि * / मंतिणा वुत्तं-“अज्जाहं अईव चिंताउलोम्हि, तओ तुम चिय भोयणं कुणेसु' / तीए पुटुं-'केरिसी तुम्हाणं अत्थि चिंता ?, अवरं च तुम्हेसुं अभुत्तेसुं मए कहं भुंजिज्जइ ?' / तओ ससिणेहं मंतिणा कहिओ नरिंदस्स पण्हवुत्तंतो / तं सोच्चा सा विउसी पुत्ती कहेइ-“इमस्स पसिणस्स हं उत्तर नरिंदस्स पुरओ दाहिमि, मा चिंतं करेसु ! अहुणा भोयणाय उट्ठसु" / पुत्तीए वयणं सोच्चा सहरिसो ‘एसा किं उत्तरं दाहिइ' त्ति चिंतयंतो उत्थाय तीए सह भोयणं काउं लग्गो। भोयणाणंतरं पुच्छइ-'हे पुत्ति ! किमस्स ऊत्तरं ?' / सा कहेइ -'इमस्सुत्तरं एवं न कहिज्जइ, रण्णो पुरओ हं कहिस्सं सपञ्चयं, तुमए संदेहो न कायव्यो / जया नरिंदसहाए गमणं सिया, तया हं सह नेयव्वा' /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |