________________ पाइअविनाणकहा-१ अमच्चेण पुत्तं धणं च ताणं थीणं दाऊण भासियं-'एस विवाओ अउव्वो, कहं छिज्जिस्सइ सुहं' इइ भणिरे अमच्चे, तया अमञ्चपुत्तेण भणियं-'हे अमञ्चवर ! जइ तुम्हाणमणुन्ना सिया , तया एयं विवायं अहं खु छिंदामि' / अणुमन्निएण तेण अमञ्चपुत्तेण ता दोवि महिलाउ भणिआ-'एत्थ धणं पुत्तं च उवट्ठवेह' / ताहिं तहा कए, उवणीयं करवत्तं, धणस्स दो विभागा कया, पुत्तस्स दुभागकरणाय नाभिदेसे जाव करवत्तं आरोवियं ताव सुयजणणी 'न अन्नह छिज्जइ एस विवाउ त्ति' निक्कित्तिमनेहेण भरिआ भणइ-दिज्जउ विमाऊए पुत्तो वित्तं च, मा होउ सुयमरणं' / अमच्चसुएण नायं-'एसो सुओ इमाइ, न इमीए, निद्धाडिया तओ सा विमाया / पुत्तो धणं च सच्चजणणीए अप्पिअं / एवं स मंतिवरो तस्स तारिसबुद्धीए संतुट्ठो तं अमञ्चपुत्तं नियमंदिरे नेऊण दीणाराणं सहस्सं तस्स देइ / पत्ते चउत्थे दिवसे रायसुओ-'जइ मम रज्जसंपत्तिपुण्णाइं सिया, तो बाढं उग्घडंतु' इइ चिंतमाणो नयरमज्झे निग्गओ / अह तप्पुणोदएण भवियव्वयाए य तक्खणे तप्पुरराया अपुत्तो अणिमित्तमेव पंचत्तं पत्तो /
