________________ परिणयबुद्धीए वुड्ड-तरुणमंतीणं कहा-३३ 79 रज्जजोगपुरिसस्स गवसणा पउत्ता, तया नेमित्तिआइट्ठो सो रायसुओ तस्स रज्जम्मि ठविओ / तओ चत्तारि वि मिलिया पहिट्ठमणा परोप्परं पभणंति-कित्तिअं अम्हाणं सामत्थं ?, तओ एवं भणंति दक्खत्तणयं पुरिसस्स, पंचगं सइयमाहु सुंदेरं / बुद्धी सहस्समुल्ला, सयसाहस्साइं पुण्णाई / / 2 / / सत्थाहसुओ दक्ख-त्तणेण सेट्ठिसुओ य रूवेण / बुद्धीइ अमञ्चसुओ, जीवइ पुण्णेहिं रायसुओ / / 3 / / उवएसो दक्खत्ताइगुणग्गामे, मञ्चा पुण्णमिहं वरं / लाहटुं सययं तस्स, उज्जमेज्जा सुहेसिणो / / 4 / / दक्खत्त-रूव-बुद्धि-पुण्णाणं मुल्ले निवाइपुत्ताणं बत्तीसइमी कहा समत्ता / / 32 / / -उवएसपयाओ, भा-१, पृ. 65 3 तेत्तीसइमी परिणयबुद्धीए वुड्ड-तरुणमंतीणं कहा - - - - - 'नाणं निरत्थयं तस्स, जस्स नाणुभवो मणा' / महीवस्सेह दिटुंतो वुड्डतरुणमंतिणो / / 1 / / एगस्स महारायस्स दुविहा मंतिणो, वुड्डा तरुणा य / तरुणा भणंति एए वुड्डा मइभंसपत्ता, न सम्म मंतिणो त्ति, ता अलाहि एएहिं, अम्हे चेव पहाणा / अन्नया तेसिं परिच्छानिमित्तं राया भणइ “भो सचिवा ! जो मम सीसे पण्हिप्पहारं दलयइ, तस्स को दंडो कीरइ ?" | तरुणेहिं विआरसुन्नेहिं भणिअं-"किमेत्थ जाणियव्वं ?, तस्स सरीरं तिलं तिलं कप्पिज्जइ, सुहुयहुयासणे वा छुब्भइ” / - तओ रन्ना वुड्डा पुच्छिया / तेहिं एगते गंतूण विआरिअं -“नेहप्पहाणा महादेवी चिय एवं करेइ, ता तीए पूआ चेव कीरइ' एयमेवं एत्थ वत्तव्वं ति निच्छिऊण भणियं-"जं माणुसमेरिसं महासाहसमायरइ, तस्स सरीरं ससीसवायं कंचणरयणालंकारेहिं अलंकिज्जइ" / 1. मनाक / /
